• contact.az Contact
  • Bakı
  • Light rain9.20 C
  • Cümə axşamı, 23 Yanvar 2025
    • flag_EN
    • flag_RU

Son yenilənmə

(7 saat əvvəl)
  • Ana səhifə
  • Siyasət
  • Binəqədi təcridxanasında saxlanılan Orxan Eyyubzadənin vəziyyəti kəskin pisləşib
Binəqədi təcridxanasında saxlanılan Orxan Eyyubzadənin vəziyyəti kəskin pisləşib
A- A A+
EN RU
Turan İnformasiya Agentliyi
Turan İnformasiya Agentliyi

Binəqədi təcridxanasında saxlanılan Orxan Eyyubzadənin vəziyyəti kəskin pisləşib

Dekabrın 29-da Fəvvarələr Meydanında keçirilən etiraz aksiyasında iştirakla bağlı həbs edilən beş nəfər gənc üçgünlük aclıqdan sonra aclığı dayandırıblar. Onlar işğəncə, qeyri-insani davranış və saxlama şəraitinin pis olmasına etiraz olaraq bu aksiyaya əl atmışdılar. 

 
Aksiya fəalların valideynlərinin təkidli xahişlərindən sonra dayandırılıb. Həbsdə olan Müsavat Partiyasının gənc fəalı Orxan Eyyubzadənin vəziyyəti kəskin pisləşib. Ötən sutkalar Binəqədi təcridxanasına bir neçə dəfə təcili yardım maşını çağırılıb. Bu barədə Turan-a Müsavat Partiyasının İdarə Heyətinin üzvü Tural Abbaslı məlumat verib.
 
“Saxlanılan gün Orxan Səbayel Rayon Polis İdarəsində bir neçə dəfə döyülüb. Bu, təcridxanada da davam edib. Orxanı əli qandallı vəziyyətdə soyuq radiatora bağlayaraq bir sutka belə saxlayıblar. Dekabrın 31-də anası təcridxanada ona baş çəkib, oğlunun əllərində və qollarında zorakılıq izləri görüb. Bundan əlavə, Orxan Eyyubzadə çətinliklə hərəkət edib. Bizdə olan məlumata görə, onun böyrəklərində də problem yaranıb. Orada tibb məntəqəsi var. Lakin görünür, Orxanın vəziyyəti çox pis olanda təcili yardım çağırılır”, - T.Abbaslı bildirib.
 
O həmçinin qeyd edib ki, Binəqədi təcridxanasında inzibati qaydada həbs olunanlar üçün rəhbərlik dəyişdirildikdən sonra orada saxlama şəraiti kəskin şəkildə pisləşib. Yuxudan sonra dustaqların öz çarpayısında oturmasına icazə verilmir, onlar 15-16 saat taxta skamyalarda oturmalıdır. Dustaqlara verilən yeməyin keyfiyyəti çox pisdir. Bundan əlavə, fəallar suyun, istiliyin olmadığı kameralarda yerləşdirilib.
 
Eyni və oxşar maddələr üzrə mühakimə olunanların və ya müttəhimlərin bir kamerada yerləşdirilməsini tələb edən penitensiar  qaydalara zidd olaraq həbs edilən altı nəfər iki-iki olaraq narkomanlar, sərxoşlar və xuliqanların saxlandıqları kameralara yerləşdirilib.
 
T.Abbaslı ombudsman aparatına müraciət edib, həmçinin hüquq müdafiəçilərini dinc etiraz aksiyasına görə həbs edilən gənc fəallara qarşı özbaşınalığa son qoyulması üçün tədbirlərin görülməsinə çağırıb.
 
Xatırladaq ki, Qarabağ qazisi Zaur Həsənovu intihara vadar edən məmur özbaşınalığına etiraz olaraq dekabrın 29-da aksiya keçirilib. —06B--
 

Rəy yaz

Siyasət

Bizi sosial şəbəkələrdə izləyin

Xəbər lenti