Açiq mənbələrdən foto.
Bir qrup hərbiçi Suqovuşan və Qubadlının azad olunmasına görə medallarla təltif edilib
Bakı/29.12.20/Turan: Dekabrın 29-da dövlət başçısı İlham Əliyev Azərbaycan ordusunun bir qrup hərbi qulluqçusunun "Suqovuşanın azad olunmasına görə" və "Qubadlının azad olunmasına görə" medalları ilə təltif edilməsi haqqında sərəncam imzalayıb.
Təltif olunanlar arasında birlik, hissə və bölmələrə komandanlıq edən generallar və zabitlər, serjant və sıravi əsgərlər var.
"Suqovuşanın azad olunmasına görə" medalla Qarabağın şimalında aparılmış döyüşlərdə igidlik və mərdlik nümunəsi göstərən hərbi qulluqçular təltif edilib.
Suqovuşan (keçmiş Madagiz) mühüm yaşayış məntəqəsidir, onun yaxınlığında böyük su anbarı və elektrik stansiyası yerləşir. Azərbaycanın bir neçə aran rayonunun suvarma suyu ilə təmin edilməsi bu su anbarından asılıdır.
Qubadlı Azərbaycanın sərhəddə yerləşən, 28 il erməni işğalı altında olmuş strateji rayonudur. -02D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz