Birləşmiş Millətlər Təşkilatı Baş Assambleyasında Azərbaycan Qəzzada müharibənin dayandırılmasına səs verib

Bakı/28.10.23/Turan:  Oktyabrın 27-də Birləşmiş Millətlər Təşkilatı Baş Assambleyası İsrail və HƏMAS arasında təcili humanitar atəşkəsə çağıran və Qəzza zolağına humanitar yardımın buraxılmasını və mülki əhalinin qorunmasını tələb edən qətnamə qəbul edib, BBC bildirib.

Qətnaməi bir qrup ərəb ölkəsi təqdim edib və 120 səs  "lehinə" və 14 səs "əleyhinə" olmaqla qəbul edilib. 45 dövlət bitərəf qalıb, lakin səs verənlərin ümumi sayının  üçdə ikisi  qətnaməyə səs verdiyinə görə sənəd qəbul edilmiş sayılır. Azərbaycan və Türkiyə qətnaməni dəstəkləyiblər, Ermənistan və Gürcüstan bitərəf qalıblar.

Baş Assambleyanın qətnamələri məcburi deyil. Reuters qeyd edir ki, Kanada qətnaməyə "HƏMAS-ın terror hücumunu  və girovların götürülməsini" pisləyən  bənd daxil etməyə çalışıb, lakin düzəliş keçməyib - 88 ölkə "lehinə", 55  "əleyhinə" səs verib.

Qətnamə bütün məhbusların “dərhal və qeyd-şərtsiz azad edilməsini” və onlara qarşı insani davranış tələb edir. 0