Bişkekdə Əliyev və Sarkisyan arasında atışma

MDB-nin cümə günü Bişkekdə keçirilən sammitində Azərbaycan və Ermənistan prezidentləri arasında atışma baş verib.

Ermənistan prezidenti Serj Sarkisyan Azərbaycanı aprel hadisələri zamanı təcavüzdə, habelə son dövrlər atəşkəs rejimini pozmaqda ittiham edib.

Buna cavab olaraq İlham Əliyev növbədənkənar söz istəyib və faktiki olaraq Sarkisyanı məzəmmət edib.

Ermənistan tərəfi bu şikayətlərlə artıq bütün beynəlxalq təşkilatları bezdirib, deyə o qeyd edib. Paradoksal vəziyyət yaranıb: Ermənistan suveren dövlətin ərazisini işğal edir, onun ərazi bütövlüyünü pozur, yerli Azərbaycanlı əhalini qovur və danışıqlar imitasiyası ilə məşğul olur, deyə Əliyev bildirib.

O, BMT Təhlükəsizlik Şurasının işğal edilmiş əraziləri azad etmək tələbi yer alan qətnamələrini və Yerevanın onlardan imtina etməsini xatırladıb.

“Onlar sülh istəmirlər, onlar ərazilərimizi daim nəzarət altında saxlayırlar və hər yerdə Azərbaycanı nəyisə pozmaqda ittiham edirlər. Biz zərərçəkmiş tərəfik. Biz heç kimi işğal etməmişik. Bizim ərazilərimiz işğal altındadır”, deyə Əliyev bildirib.

Bu zaman Sarkisyan söz atıb: - Yalana cavab verməyin mənası yoxdur.

İlham Əliyev: - Mən artıq yalana cavab verdim. -02D-