Vashington/16.11.22/Turan: TURANın Vaşinqton müxbirinin verdiyi məlumata görə, ABŞ dövlət katibi Entoni Blinken bazar ertəsi Ermənistanın baş naziri Nikol Paşinyanla telefonla danışıb.
Dövlət katibi "noyabrın 7-də keçirilən danışıqlardan sonra həm Ermənistan, həm də Azərbaycanın ikitərəfli sülh müzakirələrini dəstəkləmək səylərini alqışlayıb", - sözçü Ned Prays qeyd edib.
Onun sözlərinə görə, Blinken “hər iki tərəfin danışıqlarda sürəti saxlamasının və təxribatlarlardan qaçılmasının vacibliyini vurğulayıb”.
Katib həmçinin sülh prosesini dəstəkləmək üçün konkret nəticələr üzrə davamlı irəliləyişə çağırıb, Prays əlavə edib.
Blinken ötən həftə Vaşinqtonda Ermənistan və Azərbaycanın xarici işlər nazirləri Ararat Mirzoyan və Ceyhun Bayramovu qəbul edib.
Birləşmiş Ştatlar hesab edir ki, Ermənistan və Azərbaycan arasında birbaşa dialoqun davam etdirilməsi onların problemlərinin həlli və davamlı sülhün əldə edilməsi üçün "əsasdır", Prays ötən həftəki görüşün yekunları barədə TURANın müxbirinə bildirib.
Aleks Raufoğlu
Vaşinqton D.C.
Siyasət
-
ABŞ prezidenti Donald Tramp helikopter və təyyarənin toqquşmasından bir neçə saat sonra, Ağ Evdə ilk mətbuat konfransını keçirib.
-
Fəal Clalə Cavadov saxlanılıb. Onunla saat 16.00-dan əlaqə kəsilib.
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi davam edib. İclasın əvvəlində elan edilib ki, bu iş üzrə şahid iclasa gələ bilməyəcək, buna görə proses fevralın 6-na təxirə salınıb.
-
Yanvarın 30-da Bakı Apellyasiya Məhkəməsi “Meydan TV işi” üzrə həbs edilmiş jurnalist Aytac Tapdığın şikayətini təmin etməyib. Bu barədə Turan-a vəkil Cavad Cavadov bildirib.
Rəy yaz