Bakı/15.11.22/ Turan: Noyabrın 15-də axşam saatlarında Ukraynaya atılan iki Rusiya raketi Polşanın Ukrayna ilə sərhədindən 5 km aralıda yerləşən Pşevodov kəndinə düşüb. Polşa KİV-i xəbər verir ki, raket zərbələri nəticəsində iki nəfər həlak olub, dağıntılar var.
Polşa radiosu xəbər verir ki, insidentlə əlaqədar Polşanın baş naziri Mateuş Moravetski Milli Təhlükəsizlik və Müdafiə Şurasını çağırıb.
ABŞ-ın yüksək rütbəli kəşfiyyat rəsmisi AP-yə bildirib ki, iki rus raketi NATO üzvü Polşaya düşüb və nəticədə iki nəfər ölüb.
Artıq bir sıra NATO üzvləri Polşaya dəstəyini və hərbi yardım göstərməyə hazır olduqlarını bildiriblər. NATO-nun qərargahı hələlik açıqlama verməyib.
Xatırladaq ki, bir NATO üzvünə hücum edən zaman NATO Nizamnaməsinin 5-ci maddəsi avtomatik olaraq işə düşür. Bu o deməkdir ki, NATO-nun bir üzvünə hücum bütün Alyansa hücum deməkdir. -0-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz