![Blinken Rusiyanın öz qonşularına qarşı yeni təcavüzündən ehtiyat edərək Şərqi Avropaya gedir](https://turan.az/resized/news/2024/qiw6MQHLmoSOvmAmfypww2S4hAzcPZi965nw9Dme-750-500-resize.webp)
Blinken Rusiyanın öz qonşularına qarşı yeni təcavüzündən ehtiyat edərək Şərqi Avropaya gedir
Blinken Rusiyanın öz qonşularına qarşı yeni təcavüzündən ehtiyat edərək Şərqi Avropaya gedir
Gələn həftə dövlət katibi Entoni Blinken Rusiyanın bölgədə təcavüzünə qarşı ABŞ-ın dəstəyini təsdiqləmək və müdafiənin birgə modernləşdirilməsini, eləcə də enerji təhlükəsizliyini müzakirə etmək üçün Şərqi Avropaya gedəcək, Turan-ın Vaşinqton müxbiri bildirib.
Mayın 28-31-də Blinken Kişinyov və Praqada olacaq, orada yüksək vəzifəli şəxslərlə görüşəcək.
Səfər Rusiyanın Ukraynaya hücumu, Moldovanın işlərinə qarışması və Gürcüstanda təbliğ olunan Moskvayönlü qanunvericiliklə bağlı narahatlığın artması fonunda baş tutacaq.
Kişinyovda Blinkenin Moldova (Dnestryanıda 1500 Rusiya hərbçisi yerləşib) üçün "əhəmiyyətli" dəstək paketi elan edəcəyi gözlənilir, cümə günü Avropa üzrə diplomat Ceyms O'Brayen jurnalistlərə bildirib.
"Hazırda birbaşa hərbi təhlükə yoxdur, ancaq Rusiyanın təsir əməliyyatları davam edir və bu, narahatlıq doğurur", - o deyib.
Gürcüstanla müqayisədə Moldovanın NATO-ya daha yaxın olduğunu hesab etmək olarmı? Turan-ın müxbirinin bu sualının cavabında O'Brayen deyib ki, hər iki ölkədə əhali transatlantik inteqrasiyaya doğru irəliləmək istəyir.
"Buraya Avropa İttifaqı və NATO daxildir. Bu, aydındır, hətta Gürcü Arzusu Partiyasının hazırkı hökuməti dövründə qəbul edilmiş Gürcüstan Konstitusiyasında da var. Bu, indi öz siyasətilə Avropa İttifaqı və NATO-ya üzv olmaq istəyini əngəlləyən partiyadır".
Moldovada prezident Sandu andiçmə mərasimindən bəri Rusiya dezinformasiyasının obyekti olub. "Və biz hesab edirik ki, moldovalılar üçün daha yaxşı nəticələrin əldə edilməsində və son illərdə Avropaya inteqrasiya yolunda onun uğuru müdrik kursdur.
Aydındır ki, Moldova xalqının qərar vermək imkanı olacaq. Mümkün qədər az müdaxilə və dezinformasiya ilə sərbəst və ədalətli bir mühitdə qərar verməsini istəyirik və dövlət katibinin səfəri bu anı möhkəmləndirəcək", - o deyib.
Praqada Blinken Çexiyanın xarici işlər naziri Yan Lipavski və digər vəzifəli şəxslərlə görüşərək Ukraynaya dəstəyi, o cümlədən Kiyevə daha çox hərbi sursat tədarükü ilə bağlı Çexiyanın təşəbbüsünü müzakirə edəcək.
-
- Maliyyə
- 25 May 2024 10:29
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz