Blinken Ukraynaya 1 milyard dollarlıq yeni yardım paketini açıqlayıb

Vaşinqton/07.09.23/Turan: ABŞ dövlət katibi Entoni Blinken çərşənbə günü Kiyevə səfəri zamanı Ukraynaya 1 mlrd. dollarlıq yeni yardım paketini açıqlayıb. Xəbəri Turan-ın Vaşinqtondakı müxbiri verib.

Dövlət Departamentinin məlumatına görə, paketə aşağıdakılar daxildir:

- RƏM sisteminin komponentləri, HIMARS üçün idarə olunan raketlər, döyüş sursatları və rabitə sistemləri də daxil olmaqla, təhlükəsizliyin təmin edilməsinə yardım məqsədilə 175 milyon ABŞ doları; 

- uzunmüddətli hərbi ehtiyaclar üçün 100 milyon dollar; 

- minatəmizləmə işləri üçün 90,5 milyon dollar;

- azad olunmuş ərazilərdə asayişi qorumaq üçün 300 milyon dollar; 

- qaçqınlara humanitar yardım üçün 206 milyon dollar;

- veteranlara dəstək üçün oliqarxların müsadirə edilmiş aktivləri şəklində 5,4 milyon dollar;

- korrupsiyaya qarşı mübarizə tədbirlərinə dəstək, Rusiyanın hərbi cinayətlərinin araşdırılması, Ukrayna iqtisadiyyatının bərpası üçün 203 milyon dollar.

Blinkenin Kiyevə iki günlük səfərinə Ukraynanın əsas məmurları, o cümlədən prezident Vladimir Zelenski, baş nazir Denis Şmıqal və diplomatik həmkarı, xarici işlər naziri Dmitri Kulebu, habelə vətəndaş cəmiyyəti liderləri ilə görüşlər daxil idi. 0