Vaşinqton/26.09.23/Turan: ABŞ-ın dövlət katibi Entoni Blinken bu gün Azərbaycan prezidenti İlham Əliyevə zəng edərək “ hərbi əməliyyatların bitməsindən sonra baş verə biləcək toqquşmaların qarşısının alınmasının zəruriliyini, mülki şəxslərin qeyd-şərtsiz müdafiəsinin və sərbəst hərəkətinin vacibliyini və Dağlıq Qarabağa humanitar yardımın maneəsiz çıxışını müzakirə edib”, - deyə Vaşinqton Dövlət Departamentinin sözçüsü Metyu Miller brifinq zamanı Turan-ın müxbirinə bildirib.
Prezident Əliyev Blinkenə deyib ki, “daha heç bir hərbi əməliyyat olmayacaq və biz bunun belə qalacağını gözləyirik”, - Miller deyib.
“Əliyev həmçinin bildirib ki, müşahidəçilər missiyası ilə razılaşacaq və bu həyata keçiriləcək”, - Miller əlavə edib.
Sözçü Qarabağa göndəriləcək potensial beynəlxalq missiyanın dəqiq mexanizmi ilə bağlı təfərrüatları açıqlamayıb və deyib ki, bu, “bölgədəki müttəfiqlərimiz və tərəfdaşlarımızla müzakirə mövzusu olaraq qalır”. -0-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz