BMT Azərbaycan və Ermənistana köçkün şəxslərin problemlərinin həllinə yardım göstərilməsini təklif edir

  BMT qaçqınların işləri üzrə ali komissarın  idarəsi Dağlıq Qarabağ münaqişəsi zonasında bu yaxınlarda baş vermiş silahlı toqquşmalar zamanı qaçqın düşən bir neçə yüz adama yardım göstərməyə hazır olduğunu bildirib.

“İdarə bütün tərəfləri həmin şəxslərin müdafiəsinin təmin edilməsinə və onların hüquqlarına hörmətlə yanaşılmasına çağırıb. Həmin köçkünlərin əksəriyyəti Dağlıq Qarabağın şimal-şərq hissəsindən qaçıb”,- Nyu-Yorkda keçirilən brifinqdə BMT-nin mətbuat katibi bildirib.

BMT qaçqınların  işləri üzrə İdarədə hərbi əməliyyatların bərpasından narahatlıq keçirirlər. Belə ki, son əməliyyatlar zamanı onlarla adam həlak olub, mülki şəxslər yaşadığı yeri tərk ediblər. Onların çoxu son iyirmi ildə bir neçə dəfə öz yaşadığı yeri dəyişməli olub.

İdarəyə mülki şəxslərin həlak olması, evlərin və infrastrukturun dağıdılması, həmçinin münaqişə zonasından çıxmaq istəyənlərin hərəkətinin məhdudlaşdırılması barədə məlumat daxil olub.

BMT-də Azərbaycan və Ermənistan hökumətlərinə yenidən köçkün düşən şəxslərin humantitar tələbatının təmin olunması işinə yardım göstərilməsini təklif edib, hakimiyyəti ehtiyacı olanlara yardım göstərilməsi imkanlarının təmin edilməsinə çağırıb.-02D-