BMT eksperti Azərbaycanda hüquq müdafiəçilərinin vəziyyətini qiymətləndirəcək
BMT-nin xüsusi məruzəçisi Mişel Forstun rəhbərliyi ilə rəsmi missiya sentyabrın 14-dən 22-dək Azərbaycanda olacaq. Səfərdə məqsəd ölkədəki hüquq müdafiəçilərinin vəziyyətinin öyrənilməsidir. Bu barədə BMT-nin məlumatında deyilir.
Müstəqil ekspert, BMT insan hüquqları Şurasının müvəkkili Azərbaycanda vətəndaş cəmiyyətinin üzləşdiyi problemlərlə bağlı ilkin mənbədən informasiya toplayacaq. Səfər Azərbaycan hökumətinin dəvətilə həyata keçirilir.
“İnsan haqlarının müdafiəsi hüququ ümumi hüquqdur. Bu səfər Azərbaycanda insan hüquqlarının hansı dərəcədə təşviq edilməsini, xüsusilə vətəndaş cəmiyyəti təşkilatlarının üzləşdiyi çətinliklər və problemlər şəraitində qiymətləndirmək üçün mənə imkan verəcək.
Mən öz mühüm işimi yerinə yetirmək üçün Azərbaycanda hüquq müdafəçilərindən ötrü əlverişli şəraitin yaradılması və demokratiyanın möhkəmləndirilməsi yolları haqda konstruktuv dialoqu səbirsizliklə gözləyirəm”, - Forst səfər ərəfəsində bildirib.
Səfər zamanı xüsusi məruzəçi rəsmi şəxslər, məhkəmə işçiləri, hüquq müdafiəçiləri, vətəndaş cəmiyyətinin nümayəndələri və diplomatlarla görüşəcək.
Səfərin yekunlarına dair hesabat 2017-ci ilin martında insan hüquqları Şurasına təqdim olunacaq. Forst ilkin nəticə və tövsiyələri cümə axşamı, sentyabrın 22-də saat 11:30-da BMT-nin Bakıdakı ofisində keçiriləcək mətbuat konfrasında təqdim edəcək.
Mişel Forst (Fransa) 2014-cü ildə insan hüquqları Şurası tərəfindən BMT-nin hüquq müdafiəçilərinin vəziyyəti məsələsi üzrə xüsusi məruzəçi təyin edilib.
O, insan hüquqları, əsasən hüquq müdafiəçilərinin vəziyyəti məsələləri üzrə geniş təcrübəyə malikdir. Bundan öncə Amnesty International-ın (Fransa) baş direktoru və 1998-ci ildə hüquq müdafiəçilərinin məsələsi üzrə yüksək səviyyədə birinci Ümumdünya görüşünün baş katibi olub.
BMT insan hüquqları üzrə ekspertlər insan hüquqları Şurasının xüsusi prosedurlarının tərkib hissəsi sayılır. Xüsusi prosedurlar müstəqil monitorinq mexanizminin ümumi adıdır ki, buna da ölkələrdəki konkret vəziyyətlər və ya bütün dünya üzrə tematik məsələlər aiddir.
Xüsusi prosedurların ekspertləri könüllü əsaslarla çalışırlar; onlar BMT əməkdaşları hesab olunmur və öz işinə görə əməkhaqqı almır. Onlar hər hansı hökumət və ya təşkilatdan asılı deyil.-16D-
-
- İqtisadiyyat
- 8 Sentyabr 2016 11:13
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz