Açiq mənbələrdən foto.
Bakı/11.11.20/Turan: BMT baş katibi hərbi əməliyyatların dayandırılması haqqında razılaşma əldə edilməsi faktını rahatlıq hissi ilə qarşılayıb. Bu barədə BMT-nin mətbuat katibi Stefan Dyujarrik bildirib.
“Rusiya hakimiyyətinə [razılaşma əldə edilməsindəki] roluna görə təşəkkür edirik. Rahatlama hissi dinc əhalinin iztirablarına son qoyulacağı ümidi ilə əlaqədardır”, deyə o, açıqlayıb.
O bildirib ki, BMT-nin Qaçqınların İşləri üzrə İdarəsinin nümayəndələri öz mandatlarına uyğun olaraq tərəflərə sazişin şərtlərini həyata keçirməkdə kömək edəcəklər – hazırda bu məsələ ilə bağlı danışıqlar aparılır.
“Dinc sakinlər, humanitar yolun təmin edilməsi və insan həyatlarının xilas edilməsi həmişə bizim diqqət mərkəzimizdə olub”, deyə mətbuat katibi qeyd edib.
KİV-lərin məlumatına görə, əldə edilmiş razılaşmalar çərçivəsində daxili köçkünlər və qaçqınlar BMT-nin Qaçqınların İşləri üzrə Ali Komissarının nəzarəti altında Dağlıq Qarabağ ərazisinə qayıtmalıdırlar.
“Tərəflərlə və ATƏT-in Minsk Qrupunun həmsədrləri ilə necə kömək edə biləcəyimizi müzakirə etməyə davam edəcəyik”, deyə Dyujarrik bildirib. -16D-
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz