BMT və ATƏT-də Türkiyədə jurnalistlərin və KİV-in təqibini pisləyiblər

BMT və ATƏT ekspertləri Türkiyədə mətbuata hücumların davam etməsini pisləyiblər. Burada yalnız son iki gündə onlarla jurnalist həbs olunub və çox sayda KİV bağlanıb.

BMT-nin xüsusi məruzəçisi Devid Key və ATƏT-in mətbuat azadlığı məsələləri üzrə nümayəndəsi Dunya Miyatoviç Türkiyə hakimiyyətinin uğursuz çevriliş cəhdindən sonra gördüyü amansız tədbirlərdən narahatdır.

Məlumatlara görə, hökumət daha üç xəbər agentliyini, 16 televiziya kanalını, 45 qəzeti və 15 jurnalı bağlayıb. Çevriliş cəhdi edildiyi gündən etibarən 89 jurnalistin həbsinə order verilib, onların bəziləri artıq həbs olunub. 29 nəşr lisenziyadan məhrum dilib, 20 internet saytı bağlanıb.

“Eyni zamanda müstəqil jurnalistlərin həbsləri və çap nəşrlərinin və radioyayım şirkətlərinin bağlanması cəmiyyətdə müzakirə azadlığı prinsiplərinə və hökumətin məsuliyyətinə böyük zərbə vurur, deyə Devid Key və Dunya Miyatoviç bildirib. – Biz hakimiyyəti qətiyyətlə qəbul edilmiş qərarlara yenidən baxmağa və mətbuat azadlığı sahəsindəki öhdəliklərinə sadiq qalmağa çağırırıq”.

Key və Miyatoviç fövqəladə hal çərçivəsində universitetlərin, məktəblərin, mülki təşkilatların bağlandığını xatırladıb. Bu məhdudiyyətlər – hətta fövqəladə halları nəzərə alaraq, - elementar beynəlxalq standartlara cavab vermir. “Bu, prosedur zəmanətləri prinsipinə etinasızlıqdır ki, bu da yalnız sakinlər arasında böyük qorxu yaradacaq və sakinlərə davam edən böhran haqqında məlumat verməyə çalışanlara təsir göstərəcək, deyə Miyatoviç bildirib. -02D-