Rusiya və Türkiyə “Türk axını” qaz kəmərinin iki qolunun tikintisini müzakirə edir, bu barədə Rusiyanın energetika naziri Aleksandr Novak “Rossiya 24” telekanalına müsahibəsində bildirib.
“Türkiyə qazın digər tranzit ölkələrdən yan keçərək, birbaşa daxil olmasında maraqlıdır və bu çərçivədə “Türk axını”nda ən azından türk istehlakçılar üçün bir qol nəzərdə tutulub. 15,75 milyard kubmetr həcmi olan qol. Ümumilikdə hazırda iki qolun tikintisi haqqında danışırıq.
İkinci qol Avropa istehlakçıları, Avropa ölkələrinin cənub-qərb istehlakçıları üçündür, o da Qara Dənizin dibindən və Türkiyə ərazisindən çəkilə bilər”, deyə Novak bildirib.
Rusiyadan Türkiyəyə Qara Dənizin dibindən qaz kəməri tikintisini nəzərdə tutan “Türk axını” 2015-ci ilin noyabrında Moskva və Ankaranın münasibətləri pozulduqdan sonra dondurulub.
Həftənin əvvəllərində Türkiyə hökumətinin nümayəndə heyətinin Moskvaya səfəri zamanı layihənin bərpası məsələsi müzakirə olunub. Rusiyanın energetika naziri və Türkiyənin iqtisadiyyat naziri Nihat Zeybekçinin “Türk axını”nın həyata keçirilməsi üzrə işçi qrup yaratmaq barədə razılığa gəldikləri bildirilib.
Bu layihənin avqustun 9-da Sankt-Peterburqda Putinin Erdoğanla görüşünün gündəliyindəki əsas məsələlərdən biri olacağı gözlənilir. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz