İyulun 12-də BMT-nin Azərbaycan ofisinin rəhbəri Qulam İsakzai və Azərbaycanın iqtisadi inkişaf naziri Şahin Mustafayev 2016-2020-ci illərdə əməkdaşlıq haqqında çərçivə sazişini imzalayıblar.
“BMT Azərbaycanda islahatların keçirilməsinə yardım edə bilər”, - Q.İsakzai imzalanma mərasimində bildirib. Hökumət islahatları həyata keçirir və iqtisadiyyatın diversifikasiyası üzrə strategiyanı hazırlayır. BMT buna öz töhfəsini verməyə hazırdır. “Bizim töhfəmiz siyasi məsləhətləşmələri və təcrübəni əhatə edir. Biz kənd təsərrüfatı, səhiyyə və digər sahələrin inkişafına yardım göstərə bilərik”, - İsakzai bildirib.
Öz növbəsində Ş.Mustafayev qeyd edib ki, yeni proqram üç istiqaməti əhatə edir: iqtisadi inkişafın təşviqi və diversifikasiyası; ictimai və sosial xidmətlərin artırılması və effektivliyi; ətraf mühitin idarə olunmasının modernləşdirilməsi.
Çərçivə sazişində elektron xidmətlərin genişləndirilməsinə, sənaye zonaları və məhəllələrinin yaradılmasına, gənclərin rolunun artırılmasına xüsusi yer ayrılıb. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz