BMTİP şəffaflıq üzrə dünyada liderdir

Qlobal aparıcı reytinq cədvəlinə istinadən Birləşmiş Millətlər Təşkilatının İnkişaf Proqramı (BMTİP) dünyanın ən şəffaf inkişaf təşkilatıdır ati.publishwhatyoufund.org/index-2014/results/.

Yardım üzrə Şəffaflıq İndeksi 2014 (The 2014 Aid Transparency Index) BMTİP-nın əlumatların nəşri üzrə beynəlxalq standartlardan daha “nümunəvi nəticə” göstərdiyini qeyd  etmiş və dünya üzrə qiymətləndirilən əsas 68 agentlik arasında təşkilatı birinci yerə layiq  “BMTİP öz nəşrlərinin keyfiyyətinin təkmilləşdirilməsinə görə tanınmalıdır” – bunu şəffaflığı təbliğ edən və qiymətləndirən qeyri-kommersiya təşkilatı Publish What You Fund deyir.

Sözü gedən indeks yardımlara aid vaxtında, dəqiq və hərtəfərli məlumatın yayımı üzrə qlobal səviyyədə meyarları müəyyən edən Beynəlxalq Yardım üzrə Şəffaflıq Təşəbbüsü (International Aid Transparency Initiative) təşkilatının standartlarına əsaslanır. Maliyyə vəsaitlərinin hərəkəti, büdcələr, nəticələr və layihələrin keçirildiyi yerlər, müddət və sənədlər yardımın necə sərf olunmasını izləməyə imkan verən onlayn məlumat bazasında dərc olunur. Bu yalnız donorölkələrin hesabatlılığını artırmağa deyil, həm də inkişaf edən ölkələrə nəticədə yardımın maksimal effektivliyini təmin etmək üçün yardımının milli prioritet və büdcələrlə daha yaxşı uyğunlaşdırılmasına imkan verir.

280-dən çox ölkə, BMT agentlikləri, çoxtərəfli banklar və QHT-lər BYŞT standartından istifadə edir, və 20-dən çox yardım alan ölkə bu təşəbbüsə artıq qatılmışdır.

BYŞT standartına imza atan ilklərdən olaraq, 2011-ci ildən etibarən BMTİP öz nəşrlərini bu standartlara uyğun dərc edir. Həmin ildən başlayaraq BMTİP innovativ (www.open.undp.org) portalını istifadə edərək 177 ölkə və ərazidə toplam büdcəsi 5,8 milyard ABŞ dolları olan 10,000-dən çox layihələr üzrə məlumatların dərc olunmasında davamlı olaraq sözü gedən beynəlxalq şəffaflıq standartına uyğun və hətta dəfələrlə həmin standartdan daha üstün nəticə nümayiş etdirmişdir.

"Şəffaflıq bizim missiyanın əsasıdır" – bu sözləri BMTİP-nın rəhbəri Helen Klark deyir. "Bizim açıq, şəffaf qaydada fəaliyyət göstərmək naminə səylərimizin tanınması bizi çox sevindirir. BMTİP hər bir insan üçün dayanıqlı gələcəyə aparan inkişafı sürətləndirmək və bizə həvalə olunan vəsaitlərin ən yaxşı istifadəsini təmin etmək üçün yenilikçi üsulları tətbiq etməyə tam Beynəlxalq inkişaf üzrə əməkdaşlıq sahəsində şəffaflığı daha da artırmaq məqsədilə Layihə Xidmətləri üzrə Birləşmiş Millətlər Təşkilatının ofisi (UNOPS), Qana və İsveç hökumətləri və Birləşmiş Krallıqdan İnkişaf Təşəbbüsü adlı QHT-dən ibarət konsorsiuma rəhbərlik edən BMTİP 177 ölkə və əraziyə öz mövcud çıxış imkanlarından istifadə edir.

Helen Klark həmçinin qeyd etmişdir: "Bizə həvalə olunan bu rol yardım xərcləri haqqında məlumatın dərc olunması üzrə BYŞT-in ümumi standartının daha da inkişaf etdirilməsi istiqamətində səylər də daxil olmaqla, BMTİP-nı inkişaf naminə əməkdaşlıq üzrə şəffaflığın artırılması sahəsidə qlobal fəaliyyətin ön sırasına qoyur.”

BMTİP həmçinin öz daxili audit hesabatlarını da açıqlayır və keçən ildən etibarən yalnız illik deyil, habelə sub-milli coğrafi məlumatları istifadə edərək fəaliyyətinin ətraflı nəticə cədvəllərini təqdim edən aylıq büdcə hesabatlarını da dərc etməyə başlamışdır.