Erməni jurnalist Türkiyə baş nazirinin müşaviri oldu

Türkiyə hakimiyyəti ermənilərlə münasibətlərin normallaşması istiqamətində addımları davam etdirir. Bu proses ötən ilin aprelində o zamankı baş nazir Ərdoğanın məlum müraciətindən sonra başlayıb. Bu müraciət dünyada bu istiqamətdə mühüm addım kimi qiymətləndirilib.

İndi də hazırkı baş nazir Davudoğlu türkiyəli erməni Etyen Maxçupyanı özünün baş müşaviri təyin edib. Bundan öncə jurnalist “Aqos” erməni qəzetinə rəhbərlik edib. Qəzetin redaktoru Qrant Dink bir neçə il əvvəl İstanbul küçələrində öldürülüb.

Sabah-ın məlumatına görə, ictmaiyyət nümayəndələri ilə görüşdən sonra bu təklifi baş nazir özü irəli sürüb. Bundan sonra Davudoğlu Maxçupyanla ayrıca görüş keçirib və demokratiya, vətəndaş cəmiyyəti və elm məslələrinin inkişafına töhfəsini nəzərə alaraq ona özünün müşavir olmağı təklif edib.

Maxçupyan bu təklifi qəbul edib. O, digər məsələlərlə yanaşı Ermənistan-Türkiyə münasibətlərinin normallaşması problemi ilə məşğul olacaq.-02D-