Bakı/10.12.21/Turan: Böyük Britaniyanın Azərbaycandakı səfirinin müavini Filipp Barklay (Deputy Head of Mission, Azerbaijan Philip Barclay) Beynəlxalq İnsan Hüquqları Gününə (The International Human Rights Day) həsr olunmuş tədbirin iştirakçılarını yaxşı mənada təəccübləndirib.
Dekabrın 9-da Böyük Britaniya və Avropa İttifaqının səfirlikləri tərəfindən birgə təşkil edilmiş mərasimdə çıxış edən diplomat Azərnbaycanda insan hüquqlarının pozulması sahəsində bir sıra problemləri dəqiq şəkildə qeyd edib.
Diplomatın Azərbaycan dilində danışması da diqqətəlayiq idi.
O, Böyük Britaniya diplomatik missiyasının ailədaxili şiddət qurbanı olan Sevinc Məhərrəmovanın qətlini pisləyən iki bəyanatını xatırladıb.
Daha sonra o, səfirliyin siyasi məhbus Saleh Rüstəmova dəstək məqsədilə keçirilən etiraz aksiyasında polisin ictimai xadim Tofiq Yaqubluya qarşı zorakılığını pisləyən bəyanatından sitat gətirib.
O, həmçinin bu yaxınlarda valideynin iki övladına şiddət tətbiq etməsi faktını xatırladıb.
"Cəmiyyətdə niyə belə dəhşətli hadisələr baş verir, sosial xidmətlərimiz onların qarşısını necə ala bilər? Gələcəkdə belə hallara yol verməmək üçün nə etmək lazımdır? Biz bu çətin suallara cavab tapmalıyıq".
Tədbir zamanı Avropa İttifaqının missiyası ictimai müsabiqənin insan hüquqlarının müdafiəsi mövzusunda videoçarxlar təqdim edən üç qalibini mükafatlandırıb. -02B-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz