Azərbaycan yaxın 30-40 il üçün BP şirkətini öz tərəfdaşı hesab edir və prezident İlham Əliyevlə görüşdə də bu, qeyd edilib. Bu barədə Böyük Britaniya baş nazirinin xüsusi elçisi Çarlz Hendri Turan-a müsahibəsində bildirib.
Britaniyanın bu neft şirkətinin Azərbaycanda rolu və yeri haqqında suala cavabda Hendri qeyd edib ki, BP ölkədə ən böyük xarici investor və aparıcı energetika və infrastruktur layihələrinin əsas iştirakçısıdır.
“BP bu bazara çox sadiqdir və Britaniya hökumətinin tam dəstəyinə malikdir. Biz Xəzər neft və qazının Avropanın təhlükəsizliyi üçün rolunu və əhəmiyyətini yaxşı başa düşürük. Buna görə TAP qaz kəmərinin seçilməsi haqqında qərarı birmənalı olaraq dəstəkləyirik”, deyə Hendri bildirib.
O, həmçinin əlavə edib ki, Meksika körfəzindəki qəzadan sonra şirkət dünyanın istənilən yerində belə bir şeyin təkrarlanması ehtimalını istisna etmək üçün ekoloji təhlükəsizlik tələblərini maksimum sərtləşdirib.
Britaniya tərəfin Transxəzər qaz kəməri layihəsinə münasibətinin necə olduğu və prezident Əliyevlə bu məsələnin müzakirə olunub-olunmadığı haqqında suala cavabda xüsusi elçi deyib ki, bu mövzuya toxunulub.
“Ötən həftə Türkmənistanda səfərdə idim, orada da bu mövzuya baxılıb.
“Hələlik bu məsələ ilə bağlı real proqresdən bəhs etmə olmaz, amma inanıram ki, uzunmüddətli gələcəkdə bu layihə həyata keçiriləcək və türkmən qazı Azərbaycan ərazisi vasitəsilə Avropaya çıxarılacaq. Avropa İttifaqı və Böyük Britaniya bunda maraqlıdır. Lakin biz həm Türkmənistan və Azərbaycan arasında qarşılıqlı münasibətlər, həm də Rusiya və İran tərəfindən maneələrlə bağlı problemlər olduğunu bilirik.
Ümid edirik ki, Bakı və Aşqabad, həmçinin bütün sahilyanı ölkələr razılıq əldə edəcəklər”, deyə Hendri bidirib.
Türkmənistanın mövqeyi haqqında nə demək olar? Bu suala cavabda Hendir qeyd edib ki, Aşqabad hazırda Çində layihələrin həyata keçirilməsi və TAPİ (Türkmənistan-Əfqanıstan-Pakistan-Hindistan) ilə məşğuldur. Sonuncu layihəni Əfqanıstana iqtisadi dəstək göstərməyə çalışan ABŞ da fəal şəkildə dəstəkləyir.
“Düşünürəm ki, bu gün Türkmənistan üçün məhz bu layihələr prioritetdir, baxmayaraq ki, onlar TransXəzəri unutmur”, deyə Hendri bildirib. -02В-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz