Açiq mənbələrdən foto.
Bakı/22.02.23/Turan: Fevralın 21-də saat 20:45-dən fevralın 22-i saat 01:20-dək Azərbaycan ordusunun mövqeləri 15 dəfə atəşə tutulub. Bu barədə Müdafiə Nazirliyinin mətbuat xidməti bildirib.
Ermənistan Silahlı Qüvvələrinin bölmələri Tovuzqala rayonunun Çinarlı və Vedi rayonunun Birəli yaşayış məntəqələri istiqamətlərində yerləşən mövqelərindən Azərbaycan ordusunun Tovuz rayonunun Ağdam yaşayış məntəqəsi və Naxçıvan Muxtar Respublikasının Sədərək rayonu istiqamətlərində yerləşən mövqelərini snayper tüfəngindən və müxtəlif çaplı digər atıcı silahlardan fasilələrlə atəşə tutub.
Bundan əlavə, Rusiya sülhməramlı kontingentinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Azərbaycan ordusunun Kəlbəcər rayonunun Təzəkənd yaşayış məntəqəsi, Şuşa şəhəri və Xocavənd rayonu istiqamətlərində yerləşən mövqeləri də atəşə tutulub.
Azərbaycan Silahlı Qüvvələri adekvat cavab tədbirləri görüb.
Öz növbəsində, Rusiya Federasiyası sülhməramlı kontingenti komandanlığının məlumatında "Mardakert rayonunda atəşkəsin pozulduğu" bildirilir. Ermənistan KİV atışma barədə məlumat verməyib.
Qeyd edək ki, bu, son bir neçə ay ərzində atəşkəsin ən ciddi şəkildə pozulmasıdır. 02D
Siyasət
-
Aktau təyyarə qəzasından sonra xilasetmə işlərində mühüm rol oynayan qurtarma işçiləri bazar günü Aktau şəhərində keçirilən rəsmi mərasimdə təltif edilib. Bu barədə Qazaxıstan Fövqəladə Hallar Nazirliyi məlumat verib.
-
İCAO qaydalarına uyğun olaraq AZAL-a məxsus təyyarənin qəzaya uğramasının səbəbləri ilə bağlı ilkin hesabat qəzadan 30 gün sonra ictimaiyyətə açıqlanacaq. Tengrinews xəbər verir ki, bu barədə yanvarın 5-də Qazaxıstan Nəqliyyat Nazirliyi məlumat yayıb.
-
Ermənistanın keçmiş prezidenti Levon Ter-Petrosyanın 1993-cü ildə etdiyi çıxışın video görüntüləri yayımlandıqdan sonra Azərbaycan icmasının sərt tənqidinə səbəb olub. Ermənistan dövlətini etnik təmizləmə siyasətinə dəstək verməkdə ittiham edən icma, bu çıxışın Ermənistanın mövcud ərazisi olan Qərbi Azərbaycan İcmasının bəyanatına əsasən, azərbaycanlılara qarşı dərin köklü düşmənçiliyi və siyasətləri vurğuladığını qeyd edib.
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
Rəy yaz