Cəlilabad Rayon İcra Hakimiyyətinin keçmiş başçısı barədə həbs qətimkan tədbiri daha 3 ay uzadılıb

Bakı/12.04.21/Turan: Cəlilabad Rayon İcra Hakimiyyətinin sabiq başçısı Namiq Zeynalovun barəsində həbs qətimkan tədbiri daha 3 ay uzadılıb. 

Bu barədə Turan-a Səbail Rayon Məhkəməsindən bildiriblər.

Məlumata görə, aprelin 12-də Bakının Səbail Rayon Məhkəməsində Namiq Zeynalovun barəsində həbs  qətimkan tədbirin uzadılması ilə bağlı istintaq orqanın təqdimatına baxılıb.

Namiq Zeynalov barəsində Səbail rayon Məhkəməsi ötən il dekabrın 9-da 4 aylıq həbs-qətimkan tədbiri seçib.

Zeynalov Cinayət Məcəlləsinin 179.2.2 (Mənimsəmə və ya israf etmə - təkrar törədildikdə), 179.2.3 (-öz qulluq mövqeyindən istifadə etməklə), 179.2.4 (-xeyli miqdarda ziyan vurmaqla), 308.2 (Vəzifə səlahiyyətlərindən sui-istifadə), 311.3.3 (Külli miqdarda rüşvət alma), 311.3.2 (Təkrar rüşvət alma) və 313-cü (Vəzifə saxtakarlığı) maddələri ilə ittiham olunur. -0-