![Cəmil Həsənli: Leyla Yunusun və həyat yoldaşının vəziyyəti məni sarsıdıb](https://turan.az/resized/media/2015/main/071700123533-750-500-resize.webp)
Cəmil Həsənli: Leyla Yunusun və həyat yoldaşının vəziyyəti məni sarsıdıb
“Dünən Leyla və Arif Yunusun məhkəməsində gördüklərim məni həddindən artıq məyus və mütəəssir etdi. Həm Leylanın, həm də Arif Yunusun vəziyyəti son dərəcə kritikdir. Söhbət insan ləyaqətinin alçaldılmasından gedir”, deyə Milli Şura rəhbəri Cəmil Həsənli Yunusların vəziyyətini Turan agentliyinə şərh edərkən bildirib.
“Məhbus qadın dünən məhkəmə zalında öz dili ilə orada toplaşan jurnalistlərə ayın tarixlərini göstərməklə bildirisə ki, cəzaçəkmə yerinin nəzaərətçiləri tərəfindən döyülüb və bu döymə nəticəsində onun sol gözü görmə qabiliyyətini itirib, bu, böyük fəlakətdir. Bu, Azərbaycan vətəndaşına, bir qadına, bir anaya münasibətdə qanunun, konstitusiyanın, Azərbaycanın qoşulduğu beynəlxalq konvensiyaların, ən başlıcası isə insani dəyərlərin itirilməsidir”, deyə Həsənli bildirib.
Leyla Yunusun həbsindən əvvəl də səhhətində problemlər var idi və o, 6 əməliyyat keçirib.
Azərbaycanda 37-ci ilin dəhşətli ənənəsi geri qayıdıb, hüquq-mühafizə orqanları günahı olmayanlar üçün günah yaradırlar, suçu olmayam vətəndaş üçün saxta cinayət işi düzəldirlər.
21-ci əsrdə Avropa Şurasının üzvü olan bir dövlətin vətəndaşları saxta ittihamlarla mühakimə etməsi ağlasığmazdır, deyə Həsənli bildirib.
Öz növbəsində, Qadın Hüquqlarını Müdafiə Cəmiyyətinin rəhbəri Novella Cəfəroğlu L.Yunusun işi üzrə prosesi şərh edərkən bildirib ki, Leyla Yunusa qarşı münasibətdən məyus olub.
“Leyla bizim dostumuz olmasa da, biz uzun illər birlikdə işləmişik. Təəssüf edirik ki, Arif və Leyla belə vəziyyətdədir. Arif və Leylanın tezliklə həbsdən azad edilməsini arzu edirəm. Xəstə insanları belə vəziyyətdə həbsdə saxlamaq doğru deyil”, deyə Cəfəroğlu bildirib.
L.Yunusa qarşı işgəncə faktlarını şərh etmək xahişinə cavabda Cəfəroğlu bildirib ki, dəlili olmadan bununla bağlı şərh verə bilməz.
Onun sözlərinə görə, L.Yunusa istintaq təcridxanasında ombudsmanın və insan hüquqları üzrə işçi qrupun nümayəndələri baş çəkiblər.
“Ola bilər ki, məhbusların özləri arasında insidentlər olub. Amma inanmıram ki, Penitensiar Xidmət Leylaya qarşı aqressiya göstərə bilər. Bir çox insanlar həbsdə saxlanılıblar, bizim adamlarımız onlarla görüşüb, heç kim təzyiqdən şikayət etməyib.
İşçi heyət tərəfindən işgəncə tətbiq edildiyinə inanmıram”, deyə Cəfəroğlu bildirib. -03B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz