Məhbusun anası oğlunun özünü öldürmə həddinə çatdırıldığını bildirir

13 saylı cəzaçəkmə müəssisəsində cəza çəkən Riya Məmmədovun anası penitensiar müəssisədə oğluna qarşı işgəncələrlə bağlı Mehriban Kərimova prezident İlham Əliyevə və baş prokuror Zakir Qaralova müraciət edib.

Məktubda iddia olunur ki, 2015-ci il iyunun 26-da 13 saylı cəzaçəkmə müəssisəsinin rəisinin göstərişi ilə oğluna qarşı Ayaz və Əli adlı nəzarətçilər tərəfindən işgəncə verilir.

Buna səbəb Riyadın sünnilər kimi ibadət etməsi və nəzarətçilərə pul verməkdən imtina etməsi olub.

Özünəqəsd həddinə çatdırılmış gənc 7 lezviya udub və ağır vəziyyətdə xəstəxanaya yerləşdirilib. Xəstəxanada olarkən ondan heç kim tərəfindən təhrik olunmadığı haqqında izahat yazmağı tələb ediblər. Bu zaman cəzaçəkmə müəssisəsinin əməkdaşlarına lazım olan ifadəni verməsə Məmmədovu anası ilə hədələyiblər. Gənc cəzaçəkmə müəssisəsində görüş zamanı bütün bunlar barədə anasına danışıb.

Ananın sözlərinə görə, Riyada qarşı təzyiq davam edir, ondan şikayət verməməyi tələb edirlər.

Ana dövlət başçısından bu işi araşdırmağı və təqsirkarları cəzalandırmağı xahiş edir.

Turan-ın Penitensiar Xidmətdən şərh almaq cəhdləri nəticə verməyib. -06D-