Cəmiyyət insan hüquqlarını pozan müstəntiqləri və hakimləri pisləməlidir

Cümə günü Helsinki Vətəndaş Assambleyasının (HVA) Milli Komitəsinin ofisində Vətəndaş Cəmiyyətini Müdafiə Komitəsinin (VCMK) iclası keçirilib.

HVA həmsədri Arzu Abdullayeva diqqəti siyasi məhbuslar prosesinə çəkib. O, siyasi məhbusları təqib edən müstəntiqlərə və hakimlərə qarşı ictimai qınaq kampaniyasına başlamağı təklif edib.

Müxalif qəzetlər siyasi məhbusların fotoşəkillərini dərc etdikləri kimi, cinayət işlərini saxtalaşdıran müstəntiqlərin və fəallar və jurnalistlər üzrə ədalətsiz hökmlər çıxaran hakimlərin fotoşəkillərini də dərc edə bilərlər.

Bu kampaniyanı sosial şəbəkələrdə də aparmaq olar. Avropa Məhkəməsinin qərarlarını insan hüquqlarını pozan hökmlər olaraq qəbul etdiyi hakimlərə qarşı da ictimai qınaq olmalıdır.

Abdullayeva həmçinin insan hüquqlarını pozanlara qarşı ünvanlı cəzaların tətbiqi zərurətini qeyd edib.

“ReAl” hərəkatının icraçı katibi Natiq Cəfərli bu təşkilatın lideri İlqar Məmmədova həbsdə göstərilən təzyiqə diqqət çəkib.

Bu zaman Ədliyyə Nazirliyi nəzdində həbs yerlərinin monitorinqi üzrə ictimai komitə üzvlərinin bu məsələyə cəlb edilməsi səyləri əbəs olub. Həmçinin, seçki islahatının həyata keçirilməsi üçün vətəndaş cəmiyyətinin sylərinin artırılması zərurəti qeyd edilib. Müzakirələrin yekunlarına görə müzakirəolunmuş mövzularla bağlı müvafiq orqanlara müraciətlər qəbul etməyin məqsədəuyğun olduğu bildirilib.

* VCMK hələ 2009-cu ildə, QHT-lər haqqında qanunvericiliyə ilk mürtəce düzəlişlər dalğası başladığı zaman yaradılıb. Həmin vaxt komitəyə 100-ə yaxın müstəqil QHT, o cümlədən rəhbərləri hazırda həbsdə olan təşkilatlar daxil olub. Hazırda bir çox QHT-lərin cinayət təqibi və onların bəzilərinin rəhbərlərinin həbsdə olması ilə əlaqədar VCMK-də 20-yə yaxın nümayəndə fəal iştirak edir. -05C06-