Cənubi Qafqaz ölkələri "NATO ilə münasibətləri dərinləşdirməyin yollarını axtarırlar"
Cənubi Qafqaz ölkələri "NATO ilə münasibətləri dərinləşdirməyin yollarını axtarırlar"
Bu gün NATO-nun 32 üzv ölkəsinin ali diplomatları ümumi təhdid və çağırışları müzakirə etmək üçün Brüsseldə görüşəcəklər. Bu görüşü şərh edən ABŞ-ın NATO-dakı səfiri Culiana Smit Turan-ın müxbirinə deyib ki, Cənubi Qafqaz əvvəlkitək Alyansın dəyərli tərəfdaşı olaraq qalır.
«Bu məsələnin nazirlər görüşündə müzakirə edilib-edilməyəcəyinə gəlincə, mən buna gündəmin bir hissəsi kimi baxmıram, lakin bu mövzu bizim müzakirələrimiz zamanı üzə çıxa bilər",- o, Brüsseldə brifinqdə deyib.
Bu yaxınlarda NATO-nun baş katibi Yens Stoltenberq "çox mühüm missiya" regiona səfər edib, Smit deyib. O əlavə edib ki, hər üç ölkə Alyansla əlaqələrini davam etdirir.
Gürcüstana gəlincə, o xatırladıb ki, 2008-ci ildə Alyans üzvləri həm Ukraynanın, həm də Gürcüstanın Alyansa qoşulacağını bəyan ediblər və "biz Gürcüstandakı dostlarımızla onların üzvlük istəklərinin reallaşması üçün lazım olan islahatlar üzərində işləməyə davam edirik".
Ermənistan və Azərbaycana gəlincə, hər iki ölkə NATO ilə münasibətləri dərinləşdirməyin yollarını axtarır. "Bu, həmin tərəfdaşların dəyərli olduğunu göstərir, baxmayaraq ki, hər tərəfdaş üzvlüyə can atmır, lakin dünyanın bir çox ölkəsi ümumi təhlükəsizlik problemlərini həll etmək üçün NATO ilə əməkdaşlıqda böyük fayda görür", - səfir deyib.
O, Ukraynadakı vəziyyətə toxunaraq qeyd edib ki, Ukraynanın öz ərazisini Rusiyanın təcavüzündən qorumağa tam hüququ var. "Biz Konqresdəki dostlarımızı Ukrayna hərbçilərinə əlavə yardım ayırmağa çağırmağa davam edirik".
Eyni zamanda, o, Ukraynanın Rusiya ərazisinə zərbələrinə qarşı çıxıb. "Bu, ABŞ-ın dəstəkləmədiyi bir şeydir. Biz ukraynalıların öz ərazilərini qorumaq və rusları öz ərazilərindən çıxarmaq hüququna diqqət yetiririk".
-
- Maliyyə
- 3 Aprel 2024 10:34
-
- İqtisadiyyat
- 3 Aprel 2024 10:49
Siyasət
-
Azərbaycan Xalq Cəbhəsi Partiyasının yerli fəalı İmran Qurbanov Naxçıvan Muxtar Respublikasının Şərur rayonunda saxlanılıb. Bu barədə Turan-a Azərbaycan Xalq Cəbhəsi Partiyası Naxçıvan regional sədri Yaşar Bağırsoy bildirib.
-
Mayın 21-də Azərbaycanın xarici işlər naziri Ceyhun Bayramov və İranın xarici işlər naziri vəzifəsini icra edə Əli Bağeri Kani telefonla danışıblar.
-
Mayın 21-də Səbail Rayon Məhkəməsi "Kanal 13" İnternet televiziyasının rəhbəri Əziz Orucovun və bu media strukturunun əməkdaşı Şamo Eminovun ilkin həbs müddətini daha 1 ay uzadıb. Bu barədə Turan-a jurnalistlərin yaxınları bildiriblər.
-
Azərbaycanın dövlət başçısı İlham Əliyev vertolyot qəzası zamanı həlak olan İran prezidenti Seyid İbrahim Rəisi ilə son görüşünü "tarixi görüş" adlandırıb.
Rəy yaz