Çexiyanın Bakıdakı səfirliyi və ADA Aİ-nin Cənubi Qafqaza və Şərq Tərəfdaşlığına gələcək yanaşması haqqında birgə diskussiya təşkil edib

Bakı/20.10.22/Turan: 19 oktyabr 2022-ci il tarixində Çexiya Respublikasının Bakıdakı səfirliyi və ADA Universiteti (Azərbaycan Diplomatik Akademiyası) birlikdə Aİ-nin Cənubi Qafqaza və Şərq Tərəfdaşlığına gələcək yanaşması haqqında panel diskussiya təşkil edib. Tədbir Çexiyanın Aİ Şurasına sədrliyi çərçivəsində ADA-da keçirilib.

ADA-nın prorektoru Fariz İsmayılzadənin moderatorluğu ilə keçirilən müzakirələrdə Çexiya Respublikası nümayəndəliyinin rəhbərinin müavini Daniel Putik, Çexiya Tədqiqat Mərkəzi AMO-nun elmi işçisi Pavel Qavilçek və ADA-nın inkişaf və Diplomatiya İnstitutunun Siyasi Tədqiqatlar, təhlil və nəşrlər üzrə direktoru Damyan Krneviç Mişkoviç iştirak ediblər.

Praqada Avropa Siyasi Birliyinin birinci sammitindən sonra Aİ-nin Cənubi Qafqaz və Azərbaycana qarşı çağırışları və imkanları, Aİ-nin Ukrayna və Moldovaya namizəd statusu verməsindən sonra Şərq Tərəfdaşlığının rolu, Aİ-Azərbaycan münasibətlərinin gələcəyi və Çexiyanın Aİ-yə sədrliyinin rolu ilə bağlı suallar bu qrupda və sonrakı sessiyada sual-cavabların müzakirəsinə səbəb olub.

Çexiya səfirliyinin qonağı Pavel Qavliçek yerli KİV-ə müsahibə verib və səfəri zamanı yerli analitik mərkəzlərin nümayəndələri ilə görüşüb. Bu barədə Çexiya səfirliyi məlumat yayıb.--0--