Ceyhun Bayramov BMT-nin İnsan Hüquqları Şurasında çıxış edəcək

Bakı/11.09.23/Turan: Azərbaycan xarici işlər naziri Ceyhun Bayramov BMT-nin İnsan Hüquqları Şurasının 11 sentyabr - 6 oktyabr tarixlərində Cenevrədə keçiriləcək 54-cü plenar iclasında çıxış edəcək. 

Azərbaycanlı nazirin çıxışı 13 sentyabr yerli vaxtla saat 10:00-a planlaşdırılıb, bu barədə Turan-a Reportyorların Azadlıq və Təhlükəsizlik İnstitutunun (RATİ) direktoru Emin Hüseynov bildirib.

Onun sözlərinə görə, Bayramov BMT-nin insan hüquqları üzrə Komissarının illik məruzəsi ətrafında dinləmələrdə çıxış edəcək. Nazirin şəxsən iştirak etməsi, çox güman ki, Şurada Azərbaycan üzrə universal dövri hesabatın noyabrda gözlənilən müzakirəsi ilə bağlıdır.

Nazirin 10 dəqiqəlik çıxışından sonra debat keçiriləcək, bu zaman BMT-nin İnsan Hüquqları Şurasına üzv dövlətlərin nümayəndələri, digər dövlətlərin nümayəndələri isə 1,5 dəqiqə çıxış edəcək.

RATİ də Şuranın tərəfdaşlıq təşkilatı olaraq sessiyada çıxış etmək imkanı əldə edəcək. Bundan başqa, sentyabrın 15-də RATİ Cenevrədə BMT-nin ofisində Azərbaycanda insan hüquqları ilə bağlı vəziyyətə həsr olunmuş "Paralel müzakirələr" keçirəcək. 06В