Dünyanın 52 ölkəsində Qubad İbadoğluna dəstək aksiyaları keçiriləcək

Bakı/11.09.23/Turan: Sentyabrın 12-də həbsdə olan müxalifətçi və iqtisadçı Qubad İbadoğlunun 52 yaşı tamam olur. Həmin gün dünyanın müxtəlif ölkələrində onun hüquqlarını müdafiə aksiyaları keçiriləcək. Bu barədə Turan-a onun qardaşı Qalib Bayramov bildirib.

Onun sözlərinə görə, nümayişlər "52 şəhər - 52 aksiya" şüarı altında keçiriləcək.

İlk aksiya artıq Şərqi Timorun paytaxtı Dili şəhərində keçirilib, burada artıq sentyabrın 12-dir. Çərşənbə günü ABŞ, Almaniya, Belçika, Fransa, Türkiyə, Polşa, Böyük Britaniya, Macarıstan, Danimarka, Norveç, Niderland, Gürcüstan, İsveç və digər ölkələrin müxtəlif şəhərlərində aksiyalar keçiriləcək.

Aksiyalarda hüquq müdafiə təşkilatlarının nümayəndələri, ictimai xadimlər, jurnalistlər iştirak edəcəklər.

Xatırladaq ki, Azərbaycanda Qubad İbadoğlu saxta pul hazırlamaqda ittiham olunur. Eyni zamanda o, Türkiyədə 2016-cı il dövlət çevrilişi cəhdinin təşkilatçısı hesab olunan ilahiyyatçı Fətullah Gülənin tərəfdarları ilə əlaqədə ittiham edirlər.

Qubad İbadoğlu ittihamları təkzib edir, onları absurd hesab edir. Bir çox beynəlxalq təşkilatlar və rəsmi şəxslər rəsmi Bakını siyasətçini dərhal azad etməyə çağırıblar. 16В