![Açiq mənbələrdən foto.](https://turan.az/resized/media/2023/main/091100066506-750-500-resize.webp)
Açiq mənbələrdən foto.
Su polisi 19 kiloqramdan çox narkotik vasitə, 5 min ədəd “metadon” həbi aşkar edib
Bakı/11.09.23/Turan: Daxili İşlər Nazirliyi Su Nəqliyyatında Polis İdarəsinin əməkdaşları narkotik maddələrin qanunsuz dövriyyəyə buraxılmasına qarşı əməliyyat keçirib. DİN-in mətbuat xidmətinə bu barədə Şirvan Milli Parkında naməlum şəxslərin ölkəyə satış məqsədi ilə göndərilən narkotikləri qəbul edəcəyi barədə əməliyyat məlumatı daxil olub.
Ərazi su polisləri tərəfindən nəzarətə götürülüb, naməlum şəxslər narkotik vasitələri əldə edib uzaqlaşmaq istərkən su polisləri tərəfindən saxlanıblar.
Araşdırmalarla bu şəxslərin əvvəllər məhkum edilmiş Akif Şahbazov, Bəhram Səlimov, Elnur İmanov və Həsənqulu Axundov olduğu müəyyən edilib. Sonuncunun idarə etdiyi avtomobilə baxış zamanı nəqliyyat vasitəsinin yük yerindən 10 kiloqrama yaxın, o cümlədən 5 kiloqram 93 qram tiryək, 4 kiloqram 625 qram marixuana və 5 min ədəd psixotrop tərkibli “Metadon” həbi aşkar edilib.
Faktla bağlı Su Nəqliyyatında Polis İdarəsində Cinayət Məcəlləsinin müvafiq maddəsi ilə cinayət işi başlanılıb, istintaq və əməliyyat tədbirləri davam etdirilir. 0
Cəmiyyət
-
Xalq artisti Ağadadaş Ağayevlə baş verən insidentlə əlaqədar cinayət işi açılıb. Bu barədə Daxili İşlər Nazirliyindən Turan-ın sualına cavab olaraq bildiriblər.
-
İyulun 24-də saat 03:30-da Azərbaycan Sərhəd Qoşunlarının "Göytəpə" sərhəd dəstəsinin xidməti ərazisində iki naməlum şəxs İran tərəfdən Azərbaycan istiqamətində dövlət sərhədini pozub.
-
Buzovna çimərliyinə gələnlərin çəkdikləri və azinform informasiya portalının yaydığı videoda gecə Xəzər dənizinə çirkab sularının gizli axıdılması halları aşkar edilib ki, bu da ətraf mühitə laqeyd münasibət və əhalinin sağlamlığı üçün risklər ilə bağlı narahatlıq yaradıb.
-
Azərbaycan Xalq Cəbhəsi Partiyası Gəncə rayon şöbəsinin fəalı, iki il əvvəl Gəncədə həbs edilmiş Razi Alışovun məhkəməsi başa çatıb.
Rəy yaz