Jeyhun Bayramov
Bakı/03.08.23/Turan: Azərbaycan Laçın sərhəd-keçid məntəqəsini Ermənistanın Laçın yolundan hərbi məqsədlər, ölkəmizin təbii ehtiyatlarının daşınması, o cümlədən mina təhdidini davam etdirmək üçün sui-istifadəsinin qarşısını almaq məqsədilə yaradıb. Bu barədə Azərbaycanın xarici işlər naziri Ceyhun Bayramovun Birləşmiş Millətlər Təşkilatının baş katibinə ünvanladığı məktubda deyilir. Bu məktub Birləşmiş Millətlər Təşkilatının Təhlükəsizlik Şurasında rəsmi sənəd kimi yayılıb.
Məktubda qeyd olunur ki, Ermənistanın tələbinin rədd olunması ilə bağlı yekdilliklə qəbul olunmuş qərar Azərbaycanın öz ərazisində sərhəd -keçid məntəqəsi təsis etməsinin onun suveren hüququ olduğunu bir daha təsdiqləyir.
Bayramov xatırladıb ki, sərhəd -keçid məntəqəsi aprelin 23-də və Ermənistanın 15 iyun 2023-cü ildə törətdiyi təxribata qədər yaradılıb. Həmin vaxt Ermənistan ərazisindən Azərbaycan sərhədçisi atəşə tutularaq yaralanmışdı. Bu sərhəd -keçid məntəqəsindən 2000-dən çox erməni sakinin təhlükəsiz və şəffaf keçidi təmin edilib.
Bununla əlaqədar təxribatın səbəblərinin araşdırılması və "Laçın" sərhəd-keçid məntəqəsinin təhlükəsizliyinin təmin edilməsi üzrə tədbirlərin görülməsinin Ermənistan tərəfindən "blokada" kimi qiymətləndirilməsi əsassızdır.
Ermənistan tərəfindən eyni təxribatın yenidən törədilməyəcəyilə bağlı zəmanət verilmədiyindən hazırda Laçın yolundan yalnız Beynəlxalq Qızıl Xaç Komitəsi vasitəsilə tibbi məqsədlər üçün istifadə olunur.
Qeyd olunur ki, Ağdam-Xankəndi yolu ilə erməni sakinlərin təlabatlarının ödənilməsi təklifinə baxmayaraq, Ermənistanın “Azərbaycan tərəfindən erməni sakinlərin blokadaya alınması” istiqamətində cəfəng iddialarla beynəlxalq birliyi yanlış yönləndirməyə davam edir.
Sonda Ceyhun Bayramov qeyd edir ki, Azərbaycan regionda sülhün və təhlükəsizliyin bərqərar olması səylərinə sadiqdir. Beynəlxalq birliyin Ermənistanın dayanıqlı sülhün əldə edilməsi səylərində konstruktiv yanaşma nümayiş etdirməyə çağırmasının vacibliyi vurğulanıb.06В
Siyasət
-
“Abzas Media”nın həbsdə olan əməkdaşı Elnarə Qasımova saxlanıldığı 1 saylı Bakı İstintaq Təcridxanasından ictimaiyyətə məktub ünvanlayıb. Jurnalist məktubunda təcridxanada qadın məhbusların məruz qaldıqları hüquqsuzluqdan, fiziki və psixoloji zorakılıqlardan, qeyri-insani rəftardan söz açıb.
-
Dövlət başçısı “Uca Allahın kölgəsi” deyil, müəyyən müddətə götürülən hökumət idarəçisidir. Bunu “Ana Tili”nəşrinə müsahibəsində Qazaxıstan Prezidenti Kasım Jomart Tokayev deyib.
-
30 dekabr 2024-cü ildə Azərbaycan Liberal Partiyasınin (ALP) onlayn - Qurultayı keçirilmişdir. Qurultay partiyanın Nizamnaməsinə əlavələr etmiş, professor Lalə Şövkət xanımı ALP-nin lideri, Əvəz Temirxanı isə yenidən partiyanın sədri seçmisdir.
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
Rəy yaz