Ceyhun Bayramov səfirliyin fəaliyyətinin bərpası şərtlərini açıqlayıb
Bakı/29.12.23/Turan: Azərbaycanın İrandakı səfirliyinin fəaliyyətinin bərpası diplomatik missiyaya hücum işi üzrə məhkəmə prosesinin nəticələrindən və Tehranın təhlükəsizliyə tam təminat verməsindən asılı olacaq.
Bu barədə Azərbaycanın xarici işlər naziri Ceyhun Bayramov dünənki mətbuat konfransında bildirib.
Azərbaycan tərəfi cinayət törətmiş şəxsin ən ağır cəza alacağını gözləyir.
Həmçinin İran tərəfi səfirliyin fəaliyyətinin təhlükəsizliyinə möhkəm zəmanət verməlidir, nazir deyib.
Onun sözlərinə görə, sonrakı qərar səfirliyə hücumda təqsirləndirilən şəxsin məhkəmə prosesinin nəticələrindən asılı olaraq qəbul ediləcək.
"Əgər qeyd etdiyim məsələlər müsbət həll olunarsa, səfirliyin fəaliyyətinin bərpası mümkün olacaq", - Bayramov deyib.
Azərbaycan bu il yanvarın 27-də diplomatik missiyaya silahlı hücumdan sonra Tehrandakı səfirliyinin fəaliyyətini dayandırıb, onun əməkdaşlarını və ailə üzvlərini təxliyə edib.
Silahlı şəxs səfirliyə hücum edib, bir mühafizəçini öldürüb, iki nəfəri yaralayıb. Bu müddətdə İranın təhlükəsizlik qüvvələri hadisəyə seyrçi qalıb. Yaralı mühafizəçilərdən biri hücumçunu səfirliyin binasından çıxara bilib. Azərbaycan bu hücumu terror aktı kimi qiymətləndirib.- 03B06-
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz