Jeyhun Bayramov
Bakı/28.02.23/Turan: Bakı əvvəlki beş prinsip əsasında Yerevanla münasibətləri normallaşdırmağa hazırdır. Eyni zamanda, Yerevan qeyri-konstruktiv mövqe nümayiş etdirir. Bu barədə Azərbaycanın xarici işlər naziri Ceyhun Bayramov Rusiyanın xarici işlər naziri Sergey Lavrovla birgə keçirdiyi mətbuat konfransı zamanı bildirib.
"Bugünkü görüş zamanı biz Bakı, Yerevan və Moskva arasında üçtərəfli razılaşmaların reallaşmasını müzakirə etdik. Azərbaycan 5 prinsip əsasında sülh gündəliyinə sadiqdir", - Bayramov deyib.
O, Ermənistanın mövqeyini qeyri-konstruktiv və qeyri-ardıcıl adlandırıb, həmçinin Yerevanı üçtərəfli razılaşmaları pozmaqda ittiham edib və onu öz mövqeyini dəyişməyə çağırıb.
Laçın yolundakı vəziyyətə toxunan Ceyhun Bayramov deyib ki, Ermənistan dünya birliyini çaşdırır, lazımsız ajiotaj yaradır və bu məsələ ilə bağlı dialoqdan imtina edir. 0
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz