Çin parlamentinin nümayəndə heyətinin səfəri
Bakı/20.09.19/Turan: Sentyabrın 19-da Ümumçin Xalq Nümayəndələri Yığıncağının Daimi Komitəsinin sədri Li Çjanşunun başçılıq etdiyi nümayəndə heyəti Bakıya rəsmi səfərə gəlib.
Azərbaycan prezidenti İlham Əliyevlə görüşdə siyasət, iqtisadiyyat və mədəniyyət sahəsində ikitərəfli əməkdaşlığın möhkəmləndirilməsində qarşılıqlı maraq olduğu qeyd edilib.
Xüsusən, Əliyev qarşılıqlı ticarət dövriyyəsinin artırılması, Azərbaycanda energetika, nəqliyyat və turizm sahəsində Çin investisiyaları üçün imkanlar olduğunu qeyd edib. O, Çin yüklərinin Azərbaycandan dünya bazarlarına tranzitini xüsusilə vurğulayıb.
Cavab sözündə Çinli qonaq qeyd edib ki, Azərbaycan Çinin etibarlı tərəfdaşıdır və bu əməkdaşlıq bundan sonra da dinamik şəkildə inkişaf edəcək.
Daha sonra tərəflər iki ölkə arasında ticarət dövriyyəsinin, nəqliyyat, sənaye, informasiya və kommunikasiya texnologiyaları, kənd təsərrüfatı və s. sahələrdə əməkdaşlığın artırılması imkanlarını müzakirə ediblər.
Elə həmin gün Çin nümayəndə heyəti Milli Məclisdə qəbul edilib. Nümayəndə heyətinin Azərbaycan parlamentinin rəhbərliyi və üzvləri ilə görüşündə iki ölkə arasında parlamentlərarası münasibətlərin inkişafı məsələləri müzakirə olunub. -02D-
Siyasət
-
Azərbaycan Beynəlxalq Bankının (ABB) keçmiş sədri Cahangir Hacıyev mayın 1-dən etibarən 13 saylı cəzaçəkmə müəssisəsində aclığı davam etdirir.
-
Bazar ertəsi Azərbaycan baş nazirinin müavini Şahin Mustafayevin aparatı bildirib ki, sərhəddə koordinatların dəqiqləşdirilməsi işləri çərçivəsində aparılan geodeziya ölçmələri əsasında mayın 6-dək 40 sərhəd dirəyi quraşdırılıb.
-
Ermənistan Alma-Atıdakı danışıqlarda Azərbaycanla regionda nəqliyyat infrastrukturunun və ticari marşrutların məhdudiyyətsiz açılması məsələsinin tənzimlənməsini müzakirə etmək niyyətindədir, bu barədə bazar ertəsi Ermənistan XİN başçısı Ararat Mirzoyan bildirib.
-
Mayın 6-da Bakı Ağır Cinayətlər Məhkəməsində fırıldaqçılıqda ittiham olunan ictimai fəal Rail Abbasovun işi üzrə proses davam edib.
Rəy yaz