![Corc Kent: Con Boltonun Qafqaza səfəri region ölkələri üçün siqnaldır](https://turan.az/resized/750/500/resize/media/2019/main/050300018618.jpeg)
Corc Kent: Con Boltonun Qafqaza səfəri region ölkələri üçün siqnaldır
Bakı/03.05.19/Turan: Amerika Cənubi Qafqaz ölkələri ilə bağlı siyasətini dəyişdirməyib.
Ötən ilin oktyabrında prezidentin milli təhlükəsizlik məsələləri üzrə müşavirinin bu regiona səfərini bu siyasətin dəyişməsi kimi dəyərləndirmək olmaz. Bu barədə Turan agentliyinə ABŞ dövlət katibinin müavininin köməkçisi Corc Kent bildirib.
Bu səfər Amerika-Azərbaycan münasibətlərinin, eləcə də digər region ölkələri ilə münasibətlərin yaxşılaşması üçün faydalı idi. Belə səfərlər zamanı tərəflər bir-birinə məlumat verir, öz dövlətlərinin siyasətini daha yaxşı başa düşür. "Bu, sizin üçün böyük dövlətin nümayəndəsinin sizin ölkənizə gəldiyi və sizin hökumətinizlə danışdığı haqqında siqnaldır. Bu, hansısa problemləri həll etmək, hansısa məsələlərdə razılaşma əldə etmək imkanıdır. Düşünürəm ki, Con Bolton bir sıra ciddi mövzuları, hansısa məsələlərin həll edilməsi və münasibətlərin yaxşılaşdırılması mümkünlüyünü müzakirə edib. Bu, vacibdir, belə ki, dünyada gediləcək çox ölkə və çox problem var", deyə Kent bildirib.
Vaşinqtonun İranın iştirakı ilə həyata keçirilən regional layihələrə münasibəti haqqında suala cavabda dövlət katibinin müavininin köməkçisi bildirib ki, Tehrana qarşı beynəlxalq sanksiyaları nəzərə alaraq, ABŞ İranda layihələrə investisiyaların əleyhinədir. Onun sözlərinə görə, bu layihələr iqtisadi cəhətdən səmərəli olmayacaq. -02B-
-
- Cəmiyyət
- 3 May 2019 13:33
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz