![D18 Hərəkatı ofisindən çıxarılır](https://turan.az/resized/750/500/resize/media/2016/main/061500159223.jpg)
D18 Hərəkatı ofisindən çıxarılır
D18 Hərəkatı Nərimanov rayonu ərazisindəki ofisindən çıxarılır. Bu haqda hərəkatın rəhbəri Ruslan İzzətli Azadlıq radiosuna məlumat verib.
Hərəkat rəhbəri ofisin boşaldılmasının siyasi motivli olduğunu bildirib.
Onun deməsinə görə, müqavilə əsasında kirayələdikləri ofislə bağlı heç vaxt problem olmayıb. Tərəflər müqavilə öhdəliklərini daima razılaşdırıldığı kimi icra ediblər.
Ruslan İzzətli deyir ki, hər şey bir gün əvvəl polis əməkdaşlarının ofisə gəlməsi ilə başlayıb.
O, qeyd edir ki, polislər dörd nəfər olub. Onlar hərəkatın fəaliyyəti ilə maraqlanıb, üzvlər barədə suallar veriblər.
Hərəkat rəhbərinin sözlərinə görə, iyunun 15-də günortadan sonar isə ofisin sahibi onlardan 2 saat ərzində mülkün boşaldılmasını tələb edib.
“Ofisimizin boşaldılması siyasi qərardır. Burda ictimai önəmli mövzularda müzakirələr olurdu. İyunun 18-də isə simvolik "İlin avtoritar rektor" mükafatının təqdimatını keçirməyi planlaşdırırdıq” – hərəkat rəhbəri bildirib.
D18 hərəkatı fərqli baxışlı ictimai fiqurlardan qurulan təşkilatdır. Hərəkat öz fəaliyyətində cəmiyyətə hər zaman Azərbaycan Xalq Cümhuriyyətini örnək göstərir.
Hərəkatın son aksiyalarından biri Türkiyədə gerçəkləşdirilmişdi. D18 üzvləri “Xədicə İsmayıla azadlıq” aksiyası düzənləmişdilər.
Ondan əvvəl isə Rusiyanın Azərbaycandakı səfirliyinin qarşısında “Rusiya Savçenonu azad et!” şüarları səsləndirmişdilər.
Daxili İşlər Nazirliyinin mətbuat xidmətindən Ruslan İzzətlinin bu açıqlamalarına münasibət almaq, hələlik, mümkün olmayıb.
-
- Cəmiyyət
- 16 İyun 2016 01:03
-
- İqtisadiyyat
- 16 İyun 2016 10:43
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz