D18 Hərəkatı ölkə vətəndaşlarını Milli Şuranın 11 sentyabr və Müsavat Partiyasının 18 sentyabr mitinqlərində fəal iştiraka çağırır.
D18 İdarə Heyətinin Turan-a daxil olan bəyanatında deyilir ki, müxalifət fikir ayrılığını bir kənara qoyub birləşməli, sentyabrın 26-da keçiriləcək referendumda Konstitusiyaya düzəlişlərin əleyhinə çıxış etməlidir.
Hakimiyyət düzəlişlərin əleyhinə olan yeganə təşviqat qrupunu qeydə almaqdan imtina edib. “Hakimiyyət bütün gücü ilə çalışır ki, referendumu gizli keçirib xalqı və siyasi institutları prosesdən kənarda tutsun. Bizlər isə hakimiyyətin bu oyununu pozmalıyıq. Biz susduqca problemlər həll edilmir. Əksinə, ölkəmiz daha da uçuruma gedir”, - müraciətdə bildirlir. -16D-
Siyasət
-
Böyük Britaniyanın MI 6 kəşfiyyat xidmətinin rəhbəri Riçard Mur sentyabrın 14-də Bakıya gəlib və ADA Universitetində mühazirə oxuyub. Bu barədə universitet rəhbərliyinin sosial şəbəkədəki nəşrindən məlum olub.
-
Sentyabrın 13-də Azərbaycan Xalq Cəbhəsi Partiyasının fəalı Mehman Əliyev Kürdəxanı İstintaq Təcridxanasında intihara cəhd edib. Bununla əlaqədar o, Penitensiar Xidmətin müalicə müəssisəsinə yerləşdirilib. Bu barədə Turan-a fəalın atası Aydın Əliyev bildirib.
-
Müdafiə Nazirliyinin N saylı hərbi hissəsinin hərbi qulluqçusu, əsgər Bağırov Nurbala Asif oğlunun odlu silahdan açılmış atəş nəticəsində ölməsi barədə Şəmkir hərbi prokurorluğuna məlumat daxil olub.
-
Sentyabrın 7-dən 13-dək polis azad edilmiş ərazilərdə çoxlu sayda silah və hərbi sursat aşkar edərək götürüb.
Rəy yaz