Açiq mənbələrdən foto.
Bakı/01.09.20/Turan: Dağıstanda Qullar kəndi yaxınlığında təxminən min nəfər Azərbaycan vətəndaşı Vətənə keçmək üçün onlara nə zaman imkan yaradılacağını gözləyir.
Dağıstanın Məhərrəmkənd rayonunun rəhbəri Fərid Əhmədov bildirib ki, avqustun 31-də “Yaraq-Qazmalar” nəzarət-buraxılış məntəqəsində uşaqlı qadınlar da daxil olmaqla 960 nəfər olub. Soydaşlarımızın Vətənə göndərilməsi məsələsini Azərbaycanın Xarici İşlər Nazirliyi tənzimləyir.
Hər həftə Rusiyadan quru sərhədlə Azərbaycana 400-dən çox adam göndərilir.
Martın 18-dən başlayaraq koronavirus pandemiyası təhlükəsi ilə əlaqədar Azərbaycanla Rusiya arasında dövlət sərhədləri bağlanıb. Nəticədə Rusiya tərəfində bir neçə min azərbaycanlı qalıb. O vaxtdan Azərbaycan hakimiyyəti vaxtaşırı dəhlizlər təşkil edir, soydaşlarımızı 200-400 nəfərlik qruplarla Vətənə gətirir. -02D-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz