Daha bir gənc fəal 2,5 il müddətinə azadlıqdan məhrum edilib
Bu gün Sumqayıt Şəhər Məhkəməsi Xalq Cəbhəsi Partiyasının gənc fəalı Daşqın Məlikovu 2,5 il müddətinə azadlıqdan məhrum edib. O, CM-in 234.1-ci maddəsi (qanunsuz narkotik maddənin əldə olunması və saxlanması) təqsirli bilinib.
Vəkil Əsabəli Mustafayev hökmü ədalətsiz , əsassız və qanunsuz adlandırıb. Onun fikrincə, məhkəmənin qərarı siyasi motivlidir. Belə ki, məhkəmə D.Məlikovun bronxial astmadan əziyyət çəkməsinə və ikinci qrup əlil olmasına məhəl qoymayıb.
Hökmdən Apellyasiya Məhkəməsinə şikayət veriləcək və sonra iş Avropa İnsan Hüquqları Məhkəməsinə çıxarılacaq.
D.Məlikovun tərəfdarları hesab edirlər ki, həbsin əsl səbəbi aktiv siyasi fəallıqdır. Müxalifətçi gənclərin bu yaz keçirdikləri siyasi aksiyaların fəal iştirakçısı olub, həmçinin sosial şəbəkələrdə hakimiyyəti tənqid edib.
O, martın 25-də həbs olunub. Hüquq-müdafiəçiləri hesab edirlər ki, D.Məlikov Azərbaycanda növbəti siyasi məhbusdur. Siyasi məhbusların ümumi sayı 100 nəfərə yaxındır. -06B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz