Rusiya və İran silahlı qüvvələrinin nümayəndələri bildiriblər ki, bu il Rusiya və İran Xəzər dənizində birgə hərbi-dəniz təlimləri keçirəcəklər. Ötən həftə İran kiçik dəniz donanmasını Həştərxana – RF Xəzər donanmasının yerləşmə məntəqəsinə ezamiyyətə göndərib. Şənbə günü isə Xəzər donanmasının komandanı Nikolay Yakubovski bildirib ki, “limana giriş və Xəzər donanmasının qüvvələri ilə birgə təlimlər bu ilin ikinci yarısına planlaşdıırlıb.
İranın Moskvadakı hərbi attaşesi polkovnik Süleyman Adeli maraqlı bəyanat verib.
“İran və Rusiya istəyir ki, Xəzəryanı dövlətlər xarici ölkələrin müdaxiləsi olmadan dənizin təhlükəsizliyini təmin etsinlər. Onlar gərginlik və münaqişəyə səbəb kimi əcnəbilərin iştirakını görürlər”, - FARS agentliyi attaşedən sitat gətirib.
Ekspertlərin fikrincə, Rusiya və İran ilk növbədə amerikalıların Xəzərdə iştirakına yol vermək istəmirlər. Belə ki, ABŞ Caspian Guard proqramını həyata keçirir. Proqram Azərbaycan və Qazaxıstan dəniz sərhədlərinin möhkəmlənməsinə yönəlib.
Bundan əlavə, İran və Rusiya Türkmənistanla Azərbaycan arasında Transxəzər qaz kəmərinin inşası imkanlarını zəiflətməyə çalışır.-02D-
Siyasət
-
Son günlər Azərbaycanda jurnalistlərin həbsi siyasi və ictimai xadimlərin tənqidlərinə səbəb olub.
-
USAID-in ölkədə fəaliyyət göstərməsi üçün hüquqi əsas olmadığı və fəaliyyətini dayandırmalı olduğu barədə bildiriş ABŞ tərəfinə rəsmən göndərilib.
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
Rəy yaz