Daimi Komitənin iclası Bakıda keçiriləcək

Avropa Şurası Parlament Assambleyasının (AŞPA) Daimi Komitəsinin (*) Bakıda iclası cümə günü, 23 may 2014-cü il tarixində Azərbaycanın Nazirlər Komitəsinə sədrliyi çərçivəsində (14 may - 13 noyabr 2014) keçiriləcək.

İclas AŞPA-nın Prezidenti Anne Brasseur tərəfindən açıldıqdan sonra, Milli Məclisin Sədri Oqtay Əsədov iştirakçılara müraciət edəcək. Sonra parlament üzvləri bu gündən başlayaraq 6 ay müddəti ərzində Avropa Şurası Nazirlər Komitəsinə sədrlik edəcək Azərbaycanın Xarici İşlər Naziri Elmar Məmmədyarovla fikir mübadiləsini aparacaqlar. Müzakirələrin mərkəzində Azərbaycanın sədrliyi dövründə prioritetləri və Assambleyanın Nazirlər Komitəsi ilə davamlı siyasi dialoqu çərçivəsində olan digər məsələlər olacaq.

Müzakirə olunacaq mövzulara miqrantlar və qaçqınlar arasında QİÇS-ə qarşı mübarizə, miqrantların yetkinlik yaşına çatan övladlarının hüququları, və Avropanın məcburi köçkün və qaçqınlar standartlara uyğun olmayan kollektiv mərkəzlərinə alternativlər daxildir.

Həmçinin də, İdman Müsabiqələrinin Manipulyasiyasına qarşı Avropa Şurasının Konvensiyasının layihəsi, Milli İnsan Hüquqları İnstitutları ilə Parlamentlər arasında bərabərlik və qeyri-ayrı-seçkilik məsələləri üzrə əməkdaşlığın təkmilləşdirilməsi, və “BEŞDƏN BİR” Kampaniyasının sona çatması müzakirə olunacaq.

* Daimi Komitənin mətbuat üçün açıq olan iclası cümə günü, 23 may 2014-cü il tarixində saat 9:00-dan 16:00-a qədər Azərbaycan Parlamentində (Parlament prospekti, 1, Bakı şəhəri) keçiriləcək.