• contact.az Contact
  • Bakı
  • Clear24.10 C
  • Bazar, 1 Sentyabr 2024
    • flag_EN
    • flag_RU

Son yenilənmə

(8 saat əvvəl)
  • Ana səhifə
  • Siyasət
  • Daxili İşlər Nazirliyinin mətbuat xidməti AXCP fəalının işgəncəyə məruz qalması xəbərini təkzib edib
Daxili İşlər Nazirliyinin mətbuat xidməti AXCP fəalının işgəncəyə məruz qalması xəbərini təkzib edib
A- A A+
EN RU
Turan İnformasiya Agentliyi
Turan İnformasiya Agentliyi

Daxili İşlər Nazirliyinin mətbuat xidməti AXCP fəalının işgəncəyə məruz qalması xəbərini təkzib edib

Daxili İşlər Nazirliyinin mətbuat xidməti AXCP fəalı Türkel Əlisoyun işgəncəyə məruz qalması ilə bağlı yaylan məlumatı təkzib edib. 

   Nazirliyin mətbuat xidmətinin şöbə rəisi Orxan Mansurzadə Turana Türkel Əlisoyun kobud rəftara və təzyiqə məruz qalması ilə bağlı məlumatları dezinformasiya adlandırıb. “Türkel Əlisoyun işgəncəyə məruz qalması barədə yayılan məlumatları qəti şəkildə təkzib edirik. Əlisoyun Xətai rayon polis idarəsində və 35-ci polis bölməsində qandallanması, işgəncəyə məruz qalması barədə yazılanlar cəfəngiyatdır, böhtan və təxribat xarakterli dezinformasiyadır. Bu məlumat ictimai diqqəti özünə yönəltmək, özlərini cəfakeş, hüquqlarının pozulması kimi göstərmək xatirinə dövriyyəyə buraxılıb”, o qeyd edib. 
 
   Mansuzrzadə həmin şəxsin inzibati həbs olunanların saxlanma məntəqəsindən məktub göndərməsi barədə yazılanları da qeyri-real hesab edir. “Bu məntəqə öz ciddi daxili nizam-intizam qaydalarına malik spesifik qapalı tipli müəssisə olduğundan orada saxlanılan hər hansı bir şəxsin iddia olunan formada məktub yazması və göndərməsi mümkünsüzdür”. 
 
   Türkel Əlisoy martın 5-də polis tərəfindən saxlanıb və martın 6-da məhkəmənin qərarı ilə polisin qanunu tələbinə tabe olmama ittihamı ilə 20 sutka inzibatı qaydada həbs edilib.   
 
   DİN rəsmisinin sözlərinə görə Əlisoy saxlama məntəqəsinə qəbul olunarkən tibbi müayinədən keçib və onun üzərində işgəncə və ya kobud rəftarın əlamətini göstərən iz və ya əlamət aşkarlanmayıb.  “Partiyanın bəyanatında deyilənlər doğru olsa idi yəqin ki, tibbi müayinə zamanı hər hansı bir formada təsdiqini tapardı. Bu səbəbdən də demək olar ki, yayılan məlumat tam dezinformasiyadır və məsələnin məqsədli şəkildə qəsdən siyasiləşdirilərək şişirdilməsi, ətrafında yersiz hay-küyün qaldırılması ölkədə insan hüquqlarının pozulması barədə yanlış ictimai rəy formalaşdırmaq və cəmiyyət arasında polisin yüksək imicinə kölgə salmaq məqsədi daşıyır”, şöbə rəisi bildirib.-03B-     
 
 

AXCP fəallara verilən işgəncələrə görə məsuliyyəti İlham Əliyevin üzərinə qoyur

Azərbaycan Xalq Cəbhəsi Partiyası (AXCP) bəyanatla çıxış edərək təşkilatın gənc fəalı Türkel Əlisoya Xətai Rayon İdarəsində işgəncə verilməsini pisləyib.

 
 Bəyanatda deyilir ki, 20 sutkalığa həbs olunmuş Türkel Əlisoy martın 5-də Xətai Rayon Polis İdarəsində və onun 35-ci bölməsində işgəncələrə və qeyri-insani rəftara məruz qalıb. Onu döyərək “polisə işləməsini” tələb ediblər. Onun əllərini və ayaqlarını stula bağlayıblar, yemək, su verməyiblər. Tələb ediblər ki, polisə müqavimət göstərməsi barədə ərizə yazsın.
 
 Bundan sonra fəal polisə tabe olmadığını etiraf etməyə məcbur olub.  “Türkel Əlisoya işgəncə verən Cavid Usubov (35-ci bölmənin rəisi) İlham Əliyev tərəfindən “İgidliyə görə” medalı ilə təltif olunub.
 
 AXCP baş verənləri qətiyyətlə pisləyir və bəyan edir ki, polisdə amansız davranışa görə İlham Əliyev birbaşa məsuliyyət daşıyır”, sənəddə deyilir.
 
 Bəyanat müəllifləri hesab edirlər ki, polisin siyasi fəallar ilə qəddarcasına davranmasının səbəbi onların cəzasız qalacaqlarına əmin olmasıdır. Belə ki, İlham Əliyev “polisləri cəzalandırmayacağını” bəyan edib.
 
 AXCP yerli və beynəlxalq hüquq-müdafiə təşkilatlarını, Avropa Şurası ölkələrini Azərbaycan polisinin törətdiyi işgəncələr praktikasına diqqət yetirməyə və pisləməyə çağırır.—06d--

Rəy yaz

Siyasət

Bizi sosial şəbəkələrdə izləyin

Xəbər lenti