![Deputatlar növbədənkənar sessiyanı başa vuraraq yay tətilinə gedirlər](https://turan.az/resized/media/2019/main/071300020217-750-500-resize.webp)
Deputatlar növbədənkənar sessiyanı başa vuraraq yay tətilinə gedirlər
Bakı/13.07.19/Turan: İyulun 12-də Milli Məclis sonuncu növbədənkənar iclasını keçirib. İclasda iqtisadi və sosial sahələrə dair qanun layihələri paketi qəbul edilib.
Əsasən deputatlar "Əmək pensiyaları haqqında" qanuna dəyişikliklər ediblər. Dəyişikliklər 2019-cu il oktyabrın 1-dən minimum əmək pensiyasının 25% -200 manatadək artırılmasını nəzərdə tutur. Hazırda bu göstərici 160 manatdır.
Bundan əlavə, qəbul edilmiş düzəlişlərə əsasən bundan sonra əmək pensiyaları indeksasiya olunacaq.
Sığorta olunanın şəxsi hesabının sığorta hissəsində göstərilən pensiya kapitalı ildə bir dəfə inflyasiyanın illik səviyyəsinə görə indeksasiya olunacaq.
Hazırda pensiya kapitalı əmək pensiyasının sığorta hissəsi ilə yanaşı ildə bir dəfə orta aylıq nominal əməkhaqqının səviyyəsinə görə indeksasiya olunur.
Həmçinin parlament 2019-cu il dövlət büdcəsinə dəyişiklikləri üçüncü, yekun oxunuşda qəbul ediblər.
Dövlət büdcəsinin ümumi gəlirlər və xərclər həcmi dəyişmədən qalır və düzəlişlər ancaq büdcənin xərclər hissəsində bəzi maddələrə dəyişiklikləri nəzərdə tutur.
Əsasən müdafiə xərcləri 150 mln. manat artırılacaq. Onların həcmi 3 mlrd. 187 mln. 618,152 min manatadək ($1,88 mlrd.) artacaq. Beləliklə, 2019-cu ilin dövlət büdcəsində müdafiə xərcləri 4,9% artacaq.
Eyni zamanda Dövlət Sosial Müdafiə Fonduna (DSMF) ayrılan vəsaitlərin həcmi azalır.
DSMF-in büdcəsinə edilən dəyişikliklərə əsasən cari ildə Fondun gəlirləri və xərcləri 200 mln. manat artırılaraq 4 mlrd. 128,104 mln. manat təşkil edəcək. Bu, oktyabrın 1-dən minimum pensiya artımının maliyyələşdirilməsinə imkan verəcək.
Həmçinin parlament İşsızlikdən Sığorta Fondunun büdcəsinə dəyişiklikləri təsdiqləyib. Dəyişikliklərə əsasən 2019-cu ildə Fondun gəlirləri və xərcləri 15 mln. manat - 98 mln. 451,4 min manatadək artacaq.
Deputatlar iyulun 15-dən yay tətilinə gedirlər, tətil avqustun 31-dək davam edəcək. 06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz