Deputatlığa namizədlər Şamaxıda kobud saxtakarlıqlar olduğunu bildiriblər

85 saylı Şamaxı seçki dairəsindən deputatlığa namizəd Şəhriyar Qəhrəman və Vəfalı Fətullayev total saxtakarlıqlarla əlaqədar parlament seçkilərinin nəticələrinin ləğvini tələb edirlər.

“Şamaxı sakinləri, hava şəraitinin pis olmasına baxmayaraq, seçkilərdə fəal iştirak ediblər, çünki onlar şəhər üçün heç nə etməyən və yenidən parlamentə seçilmək istəyən deputat Elxan Süleymanovdan beziblər. Axşama yaxın hakimiyyət başa düşüb ki, fəallıq Süleymanovun əleyhinədir, buna görə məntəqələr bağlandıqdan sonra polis müşahidəçiləri qovub, bir çox komissiyaların rəhbərləri seçki qutularını götürüb dairə seçki komissiyasına gediblər. Səslərin hesablanması zamanı Süleymanovun xeyrinə bülletenlər əlavə olunub”, deyə Şəhriyar Qəhrəman Turan-a bildirib.

Onun sözlərinə görə, noyabrın 2-də Şamaxıda etiraz aksiyası kortəbii baş tutub.

Qəhrəman və Fətullayev jurnalistlərlə söhbət edib. “Həmin vaxt işığı söndürdülər və biz küçəyə çıxdıq. Tədricən insanlar toplaşmağa başladı. Onlar səslərinin oğurlanmasından qəzəblənmişdilər”, deyə Qəhrəman bildirib.

Tələsik gələn polis dəstələri toplaşanları dağıtmağa başlayıblar. Deputatlığa namizədlərin özlərinə qarşı güc tətbiq edərək, onları saxlayıblar.

“Mənimlə birlikdə atamı və qardaşımı da saxlayıblar. İki dəfə infarkt keçirmiş atam polisdə özünü pis hiss edib, mənim tələbimlə ona “təcili yardım” çağırılıb. Qardaşım xəsarət alıb”, deyən Qəhrəman xatırladıb ki, deputatlığa namizədin toxunulmazlığı var.

Sonradan bütün saxlanılanları sərbəst buraxıblar, onlardan birini – Elsevər Qəhrəmanlını “kiçik xulianlığa” görə cərimə ediblər.

Şəhriyar Qəhrəman “Azleks” şirkətinin rəhbəri, Şamaxı rayon sakinidir, Vəfalı Fətullayev isə hüquqşünasdır, Şamaxıda yaşayır və işləyir.

Qeyd edək ki, sözügedən dairədən Azərbaycanın AŞPA və “Euronest” PA-dakı nümayəndə heyətinin üzvü Elxan Süleymanov qalib elan edilib. -06C-

Rəy yaz

Siyasət

Qubad İbadoğluna qarşı yeni ittiham? – Qardaşı Qalib Bayramov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti