Deputatlığa namizədlərin sayı 1500 nəfərə yaxınlaşır
Növbədənkənar parlament seçkilərində iştirakla bağlı 1489 nəfər namizədlik üçün müraciət edib. Onlardan 481 nəfərin namizədliyi qeydə alınıb. Bu barədə avqustun 1-də Mərkəzi Seçki Komissiyasının iclasında qurumun sədri Məzahir Pənahov bildirib.
Onun sözlərinə görə, bitərəf namizədlər 958 nəfərdir, 531nəfərin partiya mənsubiyyəti var, 802 nəfər isə imza vərəqələrini təhvil verib.
Pənahov qeyd edib ki, parlament seçkilərilə əlaqədar 23 ölkə və beş qurumdan ümumilikdə 94 beynəlxalq müşahidəçi qeydə alınıb. Eyni zamanda seçkilərlə əlaqədar 8 825 yerli müşahidəçi qeydiyyatdan keçib.
Parlament seçkilərində iştirak edən namizədlərə ödənişli əsaslarla təşviqat üçün Mərkəzi Seçki Komissiyasına 54 media subyekti müraciət edib.
Həmçinin Mərkəzi Seçki Komissiyası yaxın qohumları deputatlığa namizəd olduğu üçün dairə seçki komissiyalarının iki üzvünün fəaliyyətinə xitam verib.
Siyasət
-
49 gündür Penitensiar Xidmətin müalicə müəssisəsində aclıq edən Fazil Qasımovun vəziyyəti kritik olaraq qalır. Bu barədə Turan agentliyinə onun vəkili Rövşanə Rəhimova avqustun 1-də Qasımova baş çəkdikdən sonra bildirib.
-
Avqustun 1-də Ankara aeroportunda Moskva və Vaşinqton arasındakı münasibətlər tarixində ən böyük məhbus mübadiləsi olub: 24 məhbusun mübadiləsi həyata keçirilib. Rusiya tərəfi 16 nəfəri (bu qrupa ABŞ vətəndaşları, ikili vətəndaşlığı olan şəxslər və rusiyalılar daxildir) ABŞ-a təhvil verib.
-
Keçmiş diplomat Şüvəlan İstintaq Təcridxanasında saxlanılan Emin İbrahimov əsassız həbs olunmasına etiraz edərək 9 gündür aclıq edir. O, cinayət təqibi dayandırılana qədər aclığı davam etdirmək niyyətindədir, İbrahimovun yaxınları Turan-a bildiriblər.
-
Avropa və Mərkəzi Asiya: Kremlin zərərli siyasi təsiri - "Sərhədsiz Reportyorlar" 2024-cü il üçün mətbuat azadlığı indeksi üzrə regional hesabatını belə adlandırıb.
Rəy yaz