Dini Etiqad və Vicdan Azadlıqlarını Müdafiə Mərkəzi (DEVAMM) Azərbaycan İslam Partiyasının (AİP) həbsdə olan sədri Hacı Mövsüm Səmədovun narahatlıq doğuran sağlıq durumu ilə bağlı bəyanat yayıb.
Sənəddə M.Səmədovun sağlıq durumu haqda vəkilinə belə heç bir məlumat verilməməsi nəzərə çatdırılır. Məhkumun yaxınlarına isnadən son bir ayda M.Səmədovun ürəyinin arxa damarlarında qan çatışmazlığı yarandığı bildirilir.
DEVAMM M.Səmədovun sağlamlığı ilə bağlı yaranan vəziyyətdən narahatlıq ifadə edir. Azadlıqdan məhrum olan bir insan kimi M.Səmədovun sağlamlığı ilə bağlı bütün məsələlərə hökumətin məsuliyyət daşıdığı xatırladılır.
Bəyanat müəllifləri AİP sədrinin sağlıq durumu ilə bağlı obyektiv tibbi komissiya yaradılması, yetərli diaqnostik hərəkətlərin həyata keçirilməsi, etimad doğuran yerlərdə tibbi prosedurlara başlamaq üçün əlaqədar qurumlar qarşısında məsələ qaldırılması təklif edilir.
DEVAMM M.Səmədovun vicdan məhbusu olduğunu yada salaraq, bu baxımdan, hər-hansı diqqətsizliyi xüsusilə mənfi dəyərləndirdiyini vurğulayır. -05D-
Siyasət
-
Müstəqil jurnalist Xanım Mustafayeva yanvarın 11-də Azərbaycandan xaricə gedə bilməyib. Bakı hava limanında ona bildiriblər ki, qadağa Azərbaycanın Daxili İşlər Nazirliyi tərəfindən qoyulub. Lakin jurnalistin hüquqlarının məhdudlaşdırılmasının səbəbləri ona izah edilməyib.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
Rəy yaz