“Daxili İşlər Nazirliyi araşdırma aparır və həmin araşdırmanın nəticələrinə əsasən qərar qəbul ediləcək”. DİN mətbuat xidmətinin əməkdaşı Ehsan Zahidov bu sözləri Turan-a yanvarın 13-də Lənkəranda Müsavat Partiyası nümayəndə heyətinə olan basqınla bağlı söyləyib.
DİN bu sözləri yanvarın 13-də hadisə baş verəndən bu yana təkrar edir. Bu araşdırmanın mahiyyətinin nədən ibarət olması, araşdırmanın indiyə kimi nəyi aşkar etməsi və bundan sonra nəyi aşkar edəcəyi də məlum deyil.
Yanvarın 13-də Müsavat Partiyası Lənkəran təşkilatının 20 illik yubileyini qeyd etmək üçün başda partiya başaqanı İsa Qəmbər olmaqla Lənkərana gedən Müsavat Partiyasının nümayəndə heyəti 10 nəfərlik dəstənin basqınına məruz qalıb. Müsavatçılara basqın edən bu dəstə nümayəndə heyətinin üzvlərinə qarşı fiziki zorakılıq edib, kortejə daxil olan maşınları əzib, vətəndaşları təhqirə məruz qoyublar. Hadisənin üstündən 4 gün keçməsinə baxmayaraq, DİN vətəndaşa qarşı cinayət haidəsinə yetərli reaksiya verməyib. -05B-
Siyasət
-
Dekabrın 28-də fəal Bəxtiyar Hacıyevin işi üzrə prosesdə dövlət ittihamçısı onun 11 il azadlıqdan məhrumetmə cəzasına məhkum edilməsini istəyib. Müdafiə tərəfi bununla razı deyil və fəala bəraət verilməsində israr etmək niyyətindədir. Növbəti iclas yanvarın 6-na təyin edilib.
-
Dekabrın 25-də AZAL-a məxsus təyyarə qəzasını araşdırmaq üçün türkiyəli ekspertlərdən ibarət istintaq qrupu Bakıya gəlib.
-
Cümə günü Birləşmiş Ştatlar demokratiya xələl gətirdiyinə görə gürcü milyarder Bidzina İvanişviliyə - ölkənin faktiki liderinə qarşı sanksiyalar tətbiq edib. Sanksiyalar İvanişviliyə məxsus olan bütün Amerika aktivlərini dondurur, bu barədə cümə günü ABŞ Dövlət Departamentinin və Maliyyə Nazirliyinin nümayəndələri jurnalistlərə bildiriblər. Yeni tədbirlərlə İvanişviliyə məxsus olan qurumların iştirakı ilə həyata keçirilən tranzaksiyalar da dayandırılacaq. Xəbəri Turan-ın müxbiri verib. Dövlət katibi Entoni Blinken bildirib ki, İvanişvili və onun partiyası "Gürcüstanın Avroatlantik gələcəyinə mane olaraq" onu "Gürcüstan ərazisinin 20 faizindən çoxunu işğal altında saxlamaqda davam edən" Rusiya qarşısında müdafiəsiz qoyub.
-
Çeçenistan, Baki-Qroznı marşrutu üzrə hərəkət edən Embraer 190 təyyarəsinin qəzaya uğraması ilə əlaqədar 28 dekabr tarixində matəm günü elan edəcək. Çeçen lideri Ramzan Kadırov tərəfindən imzalanmış fərman yerli "Çeçenya Today" xəbər agentliyi tərəfindən bildirilib.
Rəy yaz