“Xural” qəzetinin redaktoru Əvəz Zeynallının işi üzrə məhkəmə prosesi 8 aydır ki davam edir və 35 iclas keçirilməsinə baxmayaraq, təhqiqatın sonu görünmür. Buna hakimiyyətin özünü itirməsi səbəb olur, çünki ittiham oyuncaq ev kimi dağılır. Bu fikri RATİ-nin mətbuat mərkəzində bu gün keçirilən mətbuat konfransında Turan agentliyinin direktoru Mehman Əliyev bildirib.
Zeynallıya qarşı əsas şahid Gülər Əhmədova artıq özü fırıldaqçılıq haqqında cinayət işində ittiham olunur.
Həbsin sifarişçisi – Prezident Administrasiyasının rəhbəri Ramiz Mehdiyev isə deputat mandatlarının satışı haqqında video qalmaqalın fiqurlarından biridir.
Hakimiyyət hökmün çıxarılmasını uzadır, belə ki, Zeynallının təqsirinin heç bir sübutu yoxdur və ittiham hökmü qanunsuz və siyasi əsaslı olacaq.
Media Hüquqları İnstitutunun (MHİ) direktoru, vəkil Rəşid Hacılının fikrincə, Penitensiar Xidmətin təcrübəli əməkdaşları belə prosesin bu qədər uzanmasına təəccüblənir, belə ki, mütəşəkkil cinayətkar qrupların işi üzrə belə təhqiqatlar bundan çox-çox tez başa çatır.
Onun fikrincə, daha bir səbəb beynəlxalq təşkilatların böyük diqqətidir. Hakimiyyət Zeynallının siyasi məhbus kimi qəbul edilməsinin qarşısını almağa çalışır, baxmayaraq ki, AŞPA-nın payız sessiyasında təsdiq edilmiş meyarlara əsasən, o, onsuz da siyasi məhbusdur.
Prosesdə daha bir kobud pozuntu baş ittiham şahidinin məhkəməyə gəlməkdən yayınmasıdır. Məhkəmə xəstəlik bəhanəsi ilə onun iştirakını təmin etmək iqtidarında deyil, baxmayaraq ki, bütün bu müddət ərzində o, müsahibələr verir, universitetdə dərs deməyə davam edir və s.
Bundan başqa, Zeynalov 2006-2007-ci illərdə başqa epizodlarda “rüşvət almaqda” ittiham olunur, lakin heç bir dəlil təqdim edilməyib.
Müdafiə tərəfi hesab edir ki, Əhmədovanın Zeynallının onun şikayəti əsasında həbs edilməməsi və ona qarşı iddiası olmaması haqqında bəyanatları yeni vəziyyət yaradır və onun əvvəlki ifadələrinə ziddir. Buna görə məhkəmə onu çağırmaq və həqiqəti ortaya çıxarmaq məcburiyyətindədir.
Hüquq müdafiəçisi Oqtay Gülalıyev KİV-i Zeynallının daha fəal dəstəkləməyə çağırıb.
RATİ direktoru Emin Hüseynov təklif edib ki, Zeynallı həbsxanadan məqalələr yazsın, onlar KİV-də dərc edilsin və bu, onun işinə diqqət cəlb etsin. -06D-
Siyasət
-
Plastik cərrahiyyə fəaliyyətinə dair saxta sertifikatların verilməsinə görə Səhiyyə Nazirliyinin məmurlarına cinayət işi açılıb. Bu barədə Baş Prokurorluq və Səhiyyə Nazirliyinin 27 dekabr tarixli birgə məlumatında deyilir.
-
Rusiyanın hava hücumundan müdafiə sistemi səhvən AZAL-ın təyyarəsinə hücum etsə də, Rusiya buna görə məsuliyyət daşıyır. Bu barədə bu gün Müsavat Partiyası bildirib.
-
AZAL Bakıdan Rusiyanın digər üç şəhərinə – Nijni Novqorod, Vladiqafqaz və Saratova sərnişin reyslərini dayandırır. Bu barədə AZAL-ın 27 dekabr tarixli məlumatında deyilir.
-
Ermənistan oktyabrda Xankəndidə vəfat etmiş yaşlı erməninin cənazəsini qəbul etməkdən imtina edir. Əgər erməni tərəfi yanvarın sonuna qədər qadının cənazəsini qəbul etməsə, o, Azərbaycanda dəfn olunacaq. Bu barədə Azərbaycanın Əsir və itkin düşmüş, girov götürülmüş vətəndaşlarla əlaqədar.
Rəy yaz