2012-ci ildə Nazirlər Kabineti dövlət investisiyalarının bölünməsi haqda 6 fevral tarixli 24S qərara dəfələrlə yenidən baxıb. Onlardan biri 2012-ci ildə tikilən “Baku Crystal Hall” idman-konsert kompleksi ilə əlaqədardır və çox şübhəlidir.
Bu həftə yayılan Nazirlər Kabinetinin 30 noyabr 2012-ci il tarixli sərəncamına əsasən, bu layihənin maliyyələşmə həcmi 27 255 min manat azaldılıb. Xatırladaq ki, 2011-ci ilin iyulunda dövlət başçısı kompleksin tikintisi üçün dövlət büdcəsindəki Ehtiyat Fondundan ilkin olaraq 6 mln manat ayırmışdı. Ötən il Nazirlər Kabineti bu məqsədlə daha 46,9 mln manat ayırıb. İstismara verilən zaman görülən işlər barədə rəsmi məlumat verilmədi. Hesablamalar göstərir ki, tikinti işləri başqa dövlət və özəl mənbələrdən maliyyələşməyibsə, “Baku Crystal Hall” 25 645 min manata başa gəlib. Sifarişçi Əmlak Məsələləri Dövlət Komitəsidir. ƏMDK-də bu işlərin maliyyələşməsi barədə şərh verməyiblər.
Qeyd edək ki, 30 noyabr tarixli sərəncamla ali məktəblərin şəhərdən kənara köçürülməsi üçün nəzərdə tutulan vəsait 5 mln manat azaldılıb. Əldə edilən 32 255 min manat parlament (1 mln manat), Xarici İşlər Nazirliyi (2 mln manat), Moskva Dövlət Universitetinin Bakı filialı (4 055 min manat), Xarici İşlər Nazirliyinin Diplomatik Akademiyası (2 mln manat), “Azərkosmos” ASC (13 mln manat), “Bakıelektrikşəbəkə” (7,2 mln manat) və yanında Kütləvi İnformasiya Vasitələrinin İnkişafına Dövlət Dəstəyi Fondu (3 mln manat) arasında bölünüb. 08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz