Dini Qurumlarla İş üzrə Dövlət Komitəsi (DQDK) çərşənbə günündən Quba rayonunda “Dövlət-din münasibətləri və maarifləndirmə işi” mövzusunda iki günlük regional konfransa start verib.
Tədbirə ölkənin şimal bölgəsində fəaliyyət göstərən dini icma rəhbərləri, din xadimləri, fəal dindar və ilahiyyatçılar qatılıblar.
Konfrans dövlət-din münasibətlərinin tənzimlənməsi, dini maarfiləndirmə işinin təşkili, dini icmaların radikalizm meyillərini önləməsi, sosial problemlərin həlli prosesinə cəlb olunması mövzularını müzakirə etməyi nəzərdə tutur.
Komitə sədri Elşad İskəndərov bu toplantının müxtəlif bölgələrdə keçirilməsi nəzərdə tutulan tədbirlərdən dördüncüsü olduğunu deyib. Konfransın dövlət-din münasibətlərinə müsbət təsiri olduğu qeyd olunub. Müstəqillik əldə edildikdən sonra xalqın milli-mənəvi dəyərlərinə qayıdışı prosesinin sürətlənməsinə diqqət çəkilib. Komitə sədri ölkədə dinlərarası münasibətlərin ən yüksək səviyyədə olduğunu və hər kəsin dini etiqad azadlığı olduğunu iddia edib.
Bununla birgə, islam dininin və mədəniyyətinin təbliği prioritet məsələ sayılıb. Dünyada islam dinini radikalizmə sürükləmə meyllərinin artdığı xatırladılıb. Bununla bağlı dini maarifləndirməyə diqqətli olmaq tövsiyyə edilib. Ölkə dindarlarını xarici təsirlərdən qorumaq ölkə ruhanilərinin məsuliyyəti adlandırılıb. Bu ilin ölkə ictimaiyyəti üçün mühüm il olduğu deyilib və qarşıdakı prezident seçkilərində dini icmaların fəal iştirak edəcəyinə əminlik ifadə olunub.
Çıxış edən din xadimləri dini maarifləndirmə işinin gücləndirilməsini zəruri sayıblar. Bu mənada komitənin keçirdiyi tədbirlər yüksək qiymətləndirilib.
Tədbir iştirakçılarının konfransın qəbul etdiyi Bəyanata İlham Əliyevin namizədliyinin dəstəklənməsi maddəsinin daxil olunması təklifi birmənalı dəstəklənib. -05D-
Siyasət
-
Azərbaycan Prezidenti İlham Əliyev noyabrın 25-də Amerika Birləşmiş Ştatlarının Prezidenti Donald Trampa zəng edib.
-
Siyasi Menecment İnstitutunun direktoru, politoloq Azər Qasımlı bu gün saat 16:00-da Bakı Şəhər Baş Polis İdarəsinə çağırılıb. Bu barədə o, Facebook-da yazıb.
-
Səhiyyə Nazirliyinin İctimai Səhiyyə və İslahatlar Mərkəzi publik hüquqi şəxsin mülki müdafiə qərargahının rəisi, hərbi ekspert Ədalət Verdiyev həbs edilib.
-
Bazar ertəsi Bakı Apellyasiya Məhkəməsi talış tarixinin tədqiqatçısı İqbal Əbilovun həbsinin 4 ay uzadılması barədə şikayətə baxıb.
Rəy yaz