'Dövlət Departamenti Azərbaycanda jurnalistlərin həbsini “qəbuledilməz” adlandırıb
Birləşmiş Ştatlar çərşənbə günü Azərbaycan hökumətini hər kəsin, o cümlədən ifadə azadlığından istifadə edənlərin hüquq və azadlıqlarına hörmət etməyə çağırıb. Bu barədə Azərbaycanda daha bir jurnalist Şamo Eminovun həbsinə dair sualı cavablandıran Dövlət Departamentinin nümayəndəsi bildirib.
“Kanal 13” YouTube kanalının reportyotu Şamo Eminov dekabrın 22-də saxlanılaraq 3 ay 5 gün müddətinə istintaq təcridxanasına salınıb. O, eyni nəşrin son bir ayda həbs edilən üçüncü əməkdaşıdır.
Dövlət Departamentinin sözçüsü çərşənbə günü Turanın Vaşinqtondakı müxbirinin sonuncu həbsə reaksiya barədə sorğusuna cavab olaraq deyib: “Azərbaycanda son zamanlar jurnalistlərin, vətəndaş cəmiyyəti fəallarının və müxalifətçilərin saxlanılması tendensiyası dərin narahatlıq doğurur. Ötən ay Azərbaycanda ondan çox belə şəxs saxlanılıb. Bu qəbuledilməzdir”.
“Biz Azərbaycan hökumətinihər kəsin, o cümlədən ifadə azadlığından istifadə edənlərin insan hüquqlarına və əsas azadlıqlarına hörmət etməyə çağırmaqda davam edirik”, - deyə Dövlət Departamentinin sözçüsü yekunlaşdırıb.
Jurnalistlər Ülvi Həsənli, Sevinc Vaqifqızı, Məhəmməd Kekalov, Əziz Orucov, Rüfət Muradlı, Nərgiz Absalamova, Teymur Kərimov və Hafiz Babalanın son günlər həbsləri media ictimaiyyətində və beynəlxalq təşkilatlarda Azərbaycanda müstəqil media və ifadə azadlığı üçün məkanın daralması və jurnalistlərin fəaliyyətinin məhdudlaşdırılması ilə bağlı narahatlıqlara səbəb olub.
-
- Siyasət
- 27 Dekabr 2023 21:57
Siyasət
-
Gürcüstan prezidenti Salome Zurabişvili parlamentin qəbul etdiyi xarici agentlər haqqında qanun layihəsinə veto qoyub. O, bu barədə mayın 18-də iqamətgahında keçirdiyi brifinqdə məlumat verib.
-
Mayın 15-də istintaq təcridxanasında quru aclıq aksiyası elan edən Azərbaycan Xalq Cəbhəsi Partiyasının (AXCP) fəalı Elxan Əliyevin olan ailə üzvləri onuntaleyindən narahatdər. Mayın 16-dan bəri o ailsi əlaqə saxlamayıb və onun haqqında heç bir məlumat yoxdur.
-
İranın Energetika Nazirliyinin məlumatına görə, bazar günü İran və Azərbaycan prezidentlərinin iştirakı ilə "Qız Qalası" və "Xudafərin" bəndlərinin açılış mərasimi olacaq.
-
Azərbaycan prezidenti İlham Əliyev mayın 18-də Cəbrayıl rayonuna səfər edib.
Rəy yaz